തിരുവനന്തപുരം: ജനുവരി അഞ്ചിന് രാഷ്ട്രപതി രാംനാഥ് കോവിന്ദ് ശബരിമല ദര്ശനം നടത്തും. രാഷ്ട്രപതിയുടെ സന്ദര്ശനവുമായി ബന്ധപ്പെട്ട് രാഷ്ട്രപതി ഭവന് ദേവസ്വം ബോര്ഡിനെ ഇക്കാര്യം അറിയിച്ചു. അടുത്ത മാസം അഞ്ചിന് കൊച്ചിയില് എത്തിയ ശേഷമാകും ശബരിമലയിലേക്ക് പോവുക.
മകരവിളക്ക് ഉത്സവത്തിന്റ ഭാഗമായി കഴിഞ്ഞ ദിവസമാണ് ശബരിമല നട തുറന്നത്. രണ്ടാം ദിവസവും വന് ഭക്തജനത്തിരക്കാണ് അനുഭവപ്പെടുന്നത്. മിനിറ്റില് 70 മുതല് 75 പേരെ വരെയാണ് പതിനെട്ടാം പടിയിലൂടെ കടത്തിവിടുന്നത്.2020 ജനുവരി 15നാണ് മകരവിളക്ക്. അന്ന് പുലര്ച്ചെ 2.50നു മകര സംക്രമ പൂജ നടക്കും. വൈകുന്നേരം 6.30 ന് തിരുവാഭരണം ചാര്ത്തിയുള്ള ദീപാരാധന. തുടര്ന്ന് പൊന്നമ്പലമേട്ടിലെ മകരവിളക്ക്. മകരവിളക്ക് ഉത്സവത്തിന് ശേഷം 21നു നട അടക്കും.
