തിരുവനന്തപുരം: പാര്ലമെന്റ് പാസാക്കിയ പൗരത്വ നിയമത്തെ അനുകൂലിച്ച ഗവര്ണര്ക്കെതിരെ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. വഹിക്കുന്ന പദവിക്ക് നിരക്കാത്ത രൂപത്തിലാണ് കേരള ഗവര്ണ്ണര് ആരിഫ് മുഹമ്മദ് ഖാന് ഇപ്പോള് പ്രവര്ത്തിക്കന്നതെന്നാണ് കോടിയേരി ആരോപണം.
ഭരണഘടന പദവി വഹിക്കുന്നവര് സാധാരണഗതിയില് സ്വീകരിക്കേണ്ട കീഴ്വഴക്കങ്ങള് പരസ്യമായി ലംഘിക്കുകയാണ് ഗവര്ണ്ണര് ചെയ്യുന്നത്. വളരെ ചെറുപ്പത്തില് എം.പി ആയിരുന്ന ആളായതിനാല് രാഷ്ട്രീയം പറയാതെ കഴിയില്ല എന്ന സമീപനം അപക്വമാണ്. ഇന്നലത്തെ രാഷ്ട്രീയ പ്രവര്ത്തനമല്ല ഇന്നത്തെ ഭരണഘടന പദവിയുടെ നിര്വ്വഹണം ആവശ്യപ്പെടുന്നതെന്ന് ഗവര്ണ്ണര് തിരിച്ചറിയണം. രാഷ്ട്രീയ പ്രവര്ത്തനം നടത്തുന്നതിന് എല്ലാ പൗരന്മാര്ക്കും അവകാശമുണ്ട്. ഇപ്പോഴത്തെ പദവിയുടെ പരിമിതി തിരിച്ചറിയാന് കഴിയുന്നില്ലെങ്കില് രാജിവെച്ച് പൂര്ണ്ണസമയ രാഷ്ട്രീയ പ്രവര്ത്തനം നടത്താന് തയ്യാറാവുകയാണ് വേണ്ടതെന്നുള്ള വെല്ലുവിളിയും കോടിയേരി നടത്തി.
കഴിഞ്ഞ ബിജെപി സര്ക്കാര് നിയമിച്ചതാണെങ്കിലും പദവിയുടെ അന്തസത്തക്ക് ചേരുന്ന രീതിയിലായിരുന്നു കഴിഞ്ഞ ഗവര്ണ്ണര് പ്രവര്ത്തിച്ചിരുന്നത്. അതില് നിന്നും പാഠം ഉള്ക്കൊള്ളാന് ഇപ്പോഴത്തെ ഗവര്ണ്ണര് തയ്യാറാകണമെന്നും കോടിയേരി ആവശ്യപ്പെട്ടിട്ടുണ്ട്. ഗവര്ണ്ണര് പദവിയെ സങ്കുചിത രാഷ്ട്രീയ താത്പര്യങ്ങള്ക്കായി ദുരുപയോഗ പ്പെടുത്തുന്ന രീതി കോണ്ഗ്രസ്സിന്റെ കാലത്ത് തുടങ്ങിയതാണെന്നും കോടിയേരി പുറത്തിറക്കിയ പ്രസ്താവനയില് പറയുന്നു.
