തിരുവനന്തപുരം: ഈ ക്രിസ്മസ് ദിനത്തില് കേരളം കുടിച്ച് തീര്ത്തത് 69.57 കോടി രൂപയുടെ മദ്യമെന്ന് റിപ്പോര്ട്ട്. കഴിഞ്ഞ വര്ഷത്തെക്കാള് 4.94 കോടി രൂപയുടെ വര്ദ്ധനയാണ് ബെവ്കോ രേഖപ്പെടുത്തിയിരിക്കുന്നത്. മുന് വര്ഷങ്ങളിലേതുപോലെ തന്നെ ഇക്കുറിയും നെടുമ്പാശ്ശേരി ബെവ്കോ ഔട്ട്ലെറ്റാണ് മദ്യ വില്പ്പനയില് ഒന്നാം സ്ഥാനത്ത്.
കഴിഞ്ഞ വര്ഷം ഇവിടെ നിന്ന് 51.30 ലക്ഷം രൂപയുടെ മദ്യം കഴിഞ്ഞ വര്ഷം വിറ്റഴിച്ചപ്പോള് ഈ വര്ഷം അത് 63.28 ലക്ഷമായി ഉയര്ന്നു. അതേസമയം ബെവ്കോയുടെ ഇരിങ്ങാലക്കുട ഔട്ട്ലെറ്റാണ് ഇപ്രാവിശ്യം രണ്ടാം സ്ഥാനത്തെത്തിയിരിക്കുന്നത്. ഇവിടെ 53.74 ലക്ഷം രൂപയുടെ മദ്യമാണ് വിറ്റഴിച്ചത്. 270 ബെവ്കോ ഔട്ട്ലെറ്റുകളില് നിന്നാണ് 69.57 കോടി രൂപയുടെ കച്ചവടം നടന്നിരിക്കുന്നത്.
കേരളത്തിലാകെ 36 ഔട്ട്ലെറ്റുകളും മൂന്ന് ബിയര് പാര്ലറുകളുമുള്ള കണ്സ്യൂമര്ഫെഡ് ഡിസംബര് 24നു മാത്രം വിറ്റത്ത് 9.46 കോടി രൂപയുടെ മദ്യമാണ്. 2018ല് 8.26 കോടി രൂപയുടെ മദ്യം വിറ്റ സ്ഥാനത്താണ് ഇക്കോല്ലം 15 ശതമാനം വര്ദ്ധനവാണുവുണ്ടായിട്ടുള്ളത്. അതേസമയം കൊടുങ്ങല്ലൂരിലെ കണ്സ്യൂമര്ഫെഡ് മദ്യവില്പന കേന്ദ്രമാണ് 56 ലക്ഷവുമായി മദ്യവില്പനയില് ഒന്നാം സ്ഥാനത്ത്. കഴിഞ്ഞ വര്ഷം ഇവിടെ 44 ലക്ഷം രൂപയുടെ മദ്യമായിരുന്നു വിറ്റത്. രണ്ടാം സ്ഥാനത്ത് ആലപ്പുഴ കണ്സ്യൂമര്ഫെഡ് ഔട്ട്ലെറ്റാണ്.
