കൊച്ചി :നടിയെ ആക്രമിച്ച കേസില് അപ്പീലില് തീരുമാനം വരുന്നതുവരെ ശിക്ഷ മരവിപ്പിക്കണമെന്ന മുഖ്യപ്രതി പള്സര് സുനിയുടെ ആവശ്യം ഹൈക്കോടതി തള്ളി. 20 വര്ഷം തടവിനാണ് പള്സര് സുനിയെ വിചാരണ കോടതി ശിക്ഷിച്ചത്.ശിക്ഷ റദ്ദാക്കണമെന്ന് ആവശ്യപ്പെട്ട് പള്സര് സുനി ഹൈക്കോടതിയില് അപ്പീല് നല്കിയിട്ടുണ്ട്.
ഹീന കുറ്റകൃത്യമാണ് നടന്നതെന്നും ഒന്നാം പ്രതി കുറ്റക്കാരനാണെന്ന് വിചാരണ കോടതി കണ്ടെത്തിയെന്നും നടി കോടതിയില് ചൂണ്ടിക്കാട്ടിയിരുന്നു. ശിക്ഷ മരവിപ്പിച്ചാല് കുറ്റകൃത്യത്തിന്റെ ഗൗരവം കുറച്ചു കാണുന്നുവെന്ന ധാരണ ഉണ്ടാകുമെന്നും നടി വാദിച്ചു.പ്രതികളുടെ ശിക്ഷ മരവിപ്പിക്കരുതെന്ന് പ്രോസിക്യൂഷന് ആവശ്യപ്പെട്ടു.ശിക്ഷ വര്ധിപ്പിക്കണമെന്ന അപ്പീല് കോടതി പരിഗണനയിലാണ്.പള്സര് സുനി കൊടും ക്രിമിനലാണ് .തുടര്ച്ചയായി ജാമ്യാപേക്ഷ നല്കിയതിന് പ്രതിക്ക് കോടതി പിഴയിട്ടിട്ടുണ്ട്. സുപ്രീംകോടതി ജാമ്യം നല്കി ഇറങ്ങി ഒരുമാസമാകും മുന്പ് പ്രതി വീണ്ടും മറ്റൊരു കേസില് പ്രതിയായി. പ്രതി സ്ഥിരം കുറ്റവാളിയാണ്. ഇരു ഭാഗത്തിന്റെയും വാദം കേട്ട ശേഷമാണ് കോടതി ഹര്ജി തള്ളിയത്.
