കൊച്ചി: അനധികൃത കുടിയേറ്റക്കാരെ പാര്പ്പിക്കാന് തടങ്കല് കേന്ദ്രങ്ങള് നിര്മ്മിക്കണമെന്ന കേന്ദ്ര സര്ക്കാരിന്റെ നിര്ദേശത്തെ പിന്തുണച്ച് പിണറായി സര്ക്കാര്. കേരളത്തിലും തടങ്കല് പാളയങ്ങള് നിര്മ്മിക്കാന് സര്ക്കാര് ശ്രമം തുടങ്ങി. സാമൂഹ്യനീതി വകുപ്പിനാണ് തടങ്കല് പാളയങ്ങള് നിര്മിക്കാനുള്ള ചുമതലയെന്ന് ‘ദ ഹിന്ദു’ റിപ്പോര്ട്ട് ചെയ്യുന്നു.
അനധികൃതമായി രാജ്യത്തേക്ക് കുടിയേറിയവര്, വിസയുടെയും പാസ്പോര്ട്ടിന്റെയും കാലാവധി തീര്ന്നവര്, വിചാരണ നേരിടുന്ന വിദേശികള്, ശിക്ഷാ കാലാവധി കഴിഞ്ഞ് നാടുകടത്തല് കാത്തിരിക്കുന്നവര് എന്നിവരെ തടങ്കല് കേന്ദ്രങ്ങളിലേക്ക് മാറ്റണം എന്നായിരുന്നു എല്ലാ സംസ്ഥാനങ്ങള്ക്കും കേന്ദ്ര സര്ക്കാര് നിര്ദേശം നല്കിയത്. ഇതിന്റെ ഭാഗമായാണ് സര്ക്കാര് തടങ്കല് പാളയങ്ങള് ഒരുക്കുന്നത്. എത്ര പേരെ പാര്പ്പിക്കേണ്ടി വരുമെന്നതിന്റെ വിവരങ്ങള് ലഭിച്ചതിനു ശേഷം മാത്രമേ കെട്ടിടത്തെക്കുറിച്ച് അന്തിമധാരണയാകൂ. നിലവില് വകുപ്പിന്റെ കീഴിലുള്ള ഒരു കെട്ടിടവും ലഭ്യമല്ല. അതുപ്രകാരം പുതിയ കെട്ടിടം നിര്മിക്കുകയോ വാടകയ്ക്കെടുക്കുകയോ ചെയ്യുമെന്ന് ഒരു ഉന്നത സര്ക്കാര് ഉദ്യോഗസ്ഥന് പറഞ്ഞതായി ഹിന്ദു റിപ്പോര്ട്ടില് പറയുന്നു.
കെട്ടിടങ്ങള് കണ്ടെത്തുന്നതിനുള്ള ആദ്യ നടപടിയെന്നോണം കേരളത്തില് തടവില് കഴിയുന്ന വിദേശികളുടെ എണ്ണം തേടി സാമൂഹ്യ നീതി വകുപ്പ് സംസ്ഥാന ക്രൈംസ് റെക്കോര്ഡ് ബ്യൂറോയെ സമീപിച്ചിരുന്നു. ഈ വര്ഷം ജൂണിലാണ് ഇക്കാര്യം ആവശ്യപ്പെട്ട് കത്ത് നല്കുന്നത്. ഇതിന് മറുപടി ലഭിക്കാത്ത സാഹചര്യത്തില് ഇക്കഴിഞ്ഞ നവംബറില് വീണ്ടും നോട്ടീസ് നല്കിയിരുന്നെന്നും റിപ്പോര്ട്ടില് പറയുന്നു.
കഴിഞ്ഞ ജൂലായിലാണ് കേന്ദ്ര ആഭ്യന്തര മന്ത്രാലയം എല്ലാ സൗകര്യങ്ങളോടെ തടങ്കല് പാളയങ്ങള് നിര്മ്മിക്കണമെന്ന് സംസ്ഥാന സര്ക്കാറുകള്ക്ക് നിര്ദേശം നല്കിയത്. പത്തടി ഉയരത്തില് ചുറ്റുമതിലുള്ളതും ആധുനിക സൗകര്യങ്ങള് ഉള്ളതുമായ ഒരു തടങ്കല് പാളയമെങ്കിലും ഓരോ സംസ്ഥാനങ്ങളും കേ?ന്ദ്ര?ഭ?ര?ണ പ്ര?ദേ?ശ?ങ്ങ?ളും നിര്മ്മിക്കാനാണ് നിര്ദേശം. നല്കിയത്. ഇതിന്റെ അടിസ്ഥാനത്തിലാണ് പിണറായി സര്ക്കാര് തടങ്കല് പാളയ നിര്മാണ പ്രവര്ത്തനത്തിനുള്ള വേഗം കൂട്ടിയത്.
