ന്യൂദല്ഹി : വലയ സൂര്യഗ്രഹണം കണ്ടതില് സന്തോഷം പങ്കുവെച്ച് പ്രധാനമന്ത്രി നരേന്ദ്രമോദി. അതേസമയം ദല്ഹിയിലും ചില പ്രദേശങ്ങളില് മേഘാവൃതമായതിനാല് കോഴിക്കോടു നിന്നുള്ള ദൃശ്യങ്ങള് ലൈവായി അദ്ദേഹം വീക്ഷിക്കുകയായിരുന്നു.
അതേസമയം നേരിട്ട് കാണാന് സാധിച്ചില്ലെന്നും മാധ്യമങ്ങളിലൂടെയാണ് ദൃശ്യങ്ങള് കണ്ടതെന്നും മോദി വ്യക്തമാക്കി. വലയ സൂര്യഗ്രഹണം കണ്ടതിനു പിന്നാലെ ട്വിറ്ററിലൂടെയാണ് അദ്ദേഹം ഇക്കാര്യം വ്യക്തമാക്കിയത്. ദല്ഹിയില് മൂടല്മഞ്ഞും മഴമേഘങ്ങളും കാരണമാണ് ദല്ഹിയിലെ ജനങ്ങള്ക്ക് സൂര്യഗ്രഹണം ശരിക്ക് കാണാന് സാധിക്കാതിരുന്നത്.
വടക്കന് കേരളത്തിലെ ചെറുവത്തൂരില് ഈ പ്രതിഭാസം വ്യക്തമായി കാണാന് സാധിച്ചത്. സ്വര്ണ്ണ നിറത്തില് വലയത്തിലുള്ള സൂര്യനെ പ്രദേശത്തെ ജനങ്ങള്ക്ക് നേരിട്ട് കാണാന് സാധിച്ചു. നൂറുകണക്കിന് വിദ്യാര്ത്ഥികളാണ്ം ഈ ദൃശ്യങ്ങള് വീക്ഷിക്കുന്നതിനായി വിവിധ സ്ഥലങ്ങളില് ഒത്തുകൂടിയത്.
കര്ണാടക, കേരള, തമിഴ്നാട് എന്നീ സംസ്ഥാനങ്ങളില് ഈ ദൃശ്യങ്ങള് പൊതുവെ വ്യക്തമായി കാണാന് സാധിച്ചിട്ടുണ്ട്.
ഇതൂകൂടാതെ സൗദി അറേബ്യ, ഖത്തര്, യുഎഇ, ഒമാന്, ശ്രീലങ്ക, മലേഷ്യ, ഇന്ഡോനേഷ്യ, സിംഗപ്പൂര് തുടങ്ങിയ രാജ്യങ്ങളിലും സൂര്യഗ്രഹണം ദൃശ്യമായിട്ടുണ്ട്.
