തിരുവനന്തപുരം: പൗരത്വ ഭേദഗതി നിയമത്തിന്റെ പേരില് പ്രധാനമന്ത്രി നരേന്ദ്രമോദിയെ പച്ചയ്ക്ക് കത്തിക്കുമെന്ന് വെല്ലുവിളിച്ച മലയാളി യുവാവ് മാപ്പ് അപേക്ഷയുമായി രംഗത്ത്. താന് സങ്കടംകൊണ്ട് പറഞ്ഞതാണെന്നും എല്ലാവരും മാപ്പ് നല്കണമെന്ന അപേക്ഷയുമായി മലപ്പുറം സ്വദേശിയായ ബില്ലുവാണ് രംഗത്തെത്തിയിരിക്കുന്നത്. നേരത്തെ പ്രധാനമന്ത്രിക്കെതിരെ അശ്ലീല പദപ്രയോഗവുമായി ടിക്ടോക്കിലെത്തിയ ഇയാള് പ്രധാനമന്ത്രി തെരുവില് ഇട്ട് കത്തിക്കുമെന്നും വെല്ലുവിളിച്ചിരുന്നു. ഇതില് എല്ലാ ഭാരതീയരും ഒരുമിച്ച് പ്രതിഷേധിച്ചതോടെയാണ് ജിഹാദിയായ ഇയാള് മാപ്പ് അപേക്ഷയുമായി രംഗത്തെത്തിയത്. സൗദിയില് ഉള്ള ഇയാള്ക്കെതിരെ കേരളാ പോലീസിലും സൗദി പോലീസിലും പരാതി നല്കിയിരുന്നു. നിയമനടപടികള് പേടിച്ചാണ് ഇയാള് ഇപ്പോള് മാപ്പ് അപേക്ഷയുമായി രംഗത്തെത്തിയത്.
നേരത്തെ നരേന്ദ്ര മോദിയേയും ആഭ്യന്തരമന്ത്രി അമിത് ഷായേയും സോഷ്യല് മീഡിയ വീഡിയോയിലൂടെ അങ്ങയേറ്റം അവഹേളിക്കുകയും അസഭ്യവര്ഷം നടത്തുകയും ചെയ്ത മുസ്ലിം യുവതി മാപ്പ് പറഞ്ഞ് ഇന്നലെ രംഗത്തെത്തിയിരുന്നു. തലശേരി സ്വദേശിനിയായ യുവതിയാണ് ഇന്നലെ മാപ്പ് പറഞ്ഞ് സോഷ്യല് മീഡിയയില് എത്തിയത്. താനും കുടുംബവുമായി കളിച്ച വീഡിയോ എങ്ങനെയോ വൈറലായതാണെന്നും യുവതി വീഡിയോയില് പറയുന്നു. വീഡിയോ പുറത്തുപോയത് എങ്ങനെ ആണെന്ന് അറിയില്ല. ഇന്ത്യയില് ആണ് ജനിച്ചതും വളര്ന്നതും ഇന്ത്യയോട് ബഹുമാനമാണ്. മോദിയേയും അമിത് ഷായേയും പറ്റി പറഞ്ഞത് തെറ്റിദ്ധരിക്കപ്പെട്ടതാണെന്നും യുവതി.
അതേസമയം, മോദിയേയും അമിത് ഷായേയും അവഹേളിച്ചുള്ള യുവതിയുടെ വീഡിയോ കഴിഞ്ഞ ദിവസമാണ് സോഷ്യല്മീഡിയയില് പ്രത്യക്ഷപ്പെട്ടത്. ഇരുവരുടേയും പിതാക്കന്മാര്ക്കു നേരേയും ആക്ഷേപം ഉണ്ടായി. ഇവരുടെ എല്ലാം പിന്തലമുറക്കാര് മുസ്ലിം ആണെന്നും എല്ലാവരും ആദമിന്റേയും ഹൗവയുടേയും മക്കളാണെന്നും യുവതി ആക്ഷേപിക്കുന്നു. ദജ്ജാല് വരുമെന്നും അതിനെ നേരിടണമെന്നും ഖുറാന് പറയുന്നെന്നും അള്ളാഹുവിന്റെ അല്ലാതെ മോദിയുടേയും അമിത് ഷായുടേയും അടക്കം ആരുടേയും മുന്നില് തല കുമ്പിടരുതെന്നും യുവതി ആഹ്വാനം ചെയ്തിരുന്നു. വീഡിയോയ്ക്കെതിരേ പ്രതിഷേധം ശക്തമാവുകയും നിയമനടപടി തുടങ്ങുകയും ചെയ്തതോടെ ആണ് ഇപ്പോഴത്തെ യുവതിയുടെ മാപ്പപേക്ഷ.
