കൊച്ചി: കേന്ദ്ര സര്ക്കാര് പാര്ലമെന്റില് പൗരത്വ നിയമഭേദഗതിക്കെതിരെയും കൊച്ചിയില് സിനിമാ താരങ്ങളുടെ നേതൃത്വത്തില് നടന്ന പീപ്പിള്സ് ലോങ്ങ് മാര്ച്ചിനെതിരെ പരാതി. പൊരിവെയിലില് പിഞ്ചുകുട്ടികളെ അടക്കം തെരുവില് ഇറക്കിയെന്ന് കാട്ടി യുവമോര്ച്ചയാണ് പരാതി നല്കിയിരിക്കുന്നത്. മാര്ച്ചില് അഞ്ച് മാസം പ്രായമായ കുട്ടിയെ വരെ സംഘാടകര് പങ്കെടുപ്പിച്ചിരുന്നു.
14 വയസില് താഴെയുള്ള കുട്ടികളെ സമരത്തില് പങ്കെടുപ്പിച്ചുവെന്നും പ്രകോപനപരമായ രീതിയില് അവരെക്കൊണ്ട് മുദ്രാവാക്യം വിളിപ്പിച്ചുവെന്നുമാണ് പരാതിയില് പറയുന്നത്. ബാലാവകാശ കമ്മീഷന് ചെയര്പേഴ്സണിനാണ് യുവമോര്ച്ച സംസ്ഥാന കമ്മിറ്റി അംഗമായ ബി.ജി വിഷ്ണു പരാതി നല്കിയിരിക്കുന്നത്.
കുട്ടികളെ ഇത്തരമൊരു സമരത്തില് പങ്കെടുപ്പിച്ചത് നിയമവിരുദ്ധമായ പ്രവര്ത്തിയാണെന്നും നിയമവിരുദ്ധമായ ആവശ്യങ്ങള്ക്ക് പങ്കെടുപ്പിക്കാന് പാടില്ലെന്നുള്ള ബാലാവകാശ കമ്മീഷന്റെ നിര്ദ്ദേശം പാടെ അവഗണിക്കപ്പെട്ടിരിക്കുകയാണെന്നും വിഷ്ണു തന്റെ പരാതിയില് പറയുന്നുണ്ട്. പരിപാടിയുടെ സംഘാടകരായ ചലച്ചിത്ര അക്കാദമി ചെയര്മാന് കമാലുദീന്, ചലച്ചിത്ര സംവിധായകന് ആഷിഖ് അബു എന്നിവര്ക്കെതിരെ ബാലാവകാശ കമ്മീഷന് നടപടി സ്വീകരിക്കണമെന്നാണ് വിഷ്ണു തന്റെ പരാതിയില് ആവശ്യപ്പെട്ടിരിക്കുന്നത്.
