കൊച്ചി: മുഖ്യമന്ത്രി പിണറായി വിജയന് പിന്നാലെ ഭരണഘടനയെ വെല്ലുവിളിച്ച് സ്പീക്കര് പി. ശ്രീരാമകൃഷ്ണന്. പൗരത്വ ഭേദഗതി നിയമം നടപ്പാക്കാതിരിക്കാന് സംസ്ഥാനത്തിന് അധികാരമുണ്ടെന്ന് സ്പീക്കര് പറഞ്ഞു. കൊച്ചിയില് മാധ്യമപ്രവര്ത്തകരോട് സംസാരിക്കവെയാണ് സ്പീക്കറുടെ പ്രസ്താവന.
രാജ്യത്തെ ഫെഡറല് സംവിധാനമനുസരിച്ച് പാര്ലമെന്റ് പാസാക്കിയ നിയമങ്ങള് നടപ്പാക്കാതിരിക്കാന് സംസ്ഥാനങ്ങള്ക്ക് അധികാരമുണ്ടെന്നും സ്പീക്കര് പറഞ്ഞു.
അതേസമയം പൗരത്വഭേദഗതി നിയമത്തിനെതിരെ അധ്യക്ഷ സോണിയ ഗാന്ധിയുടെ നേതൃത്വത്തില് രാജ്ഘട്ടില് കോണ്ഗ്രസ് ധര്ണ നടത്തുന്നുണ്ട്. ഉച്ചയ്ക്ക് രണ്ട് മുതല് രാത്രി എട്ട് മണി വരെയുള്ള പ്രതിഷേധത്തില് രാഹുല് ഗാന്ധിയും പ്രിയങ്ക ഗാന്ധിയും പങ്കെടുക്കും. പ്രധാനമന്ത്രി നരേന്ദ്ര മോദിയുടെ ദല്ഹി റാലി കണ്ട് പകച്ചു പോയ രാഹുല് ഗാന്ധി ഇന്നലെ നടത്താനിരുന്ന സമരം ഉപേക്ഷിച്ചിരുന്നു.
