വാഷിംഗ്ടണ്: 370-ാം വകുപ്പ് റദ്ദാക്കിയത് ഇന്ത്യയുടെ വികസനത്തിന് ഉണര്വേകിയെന്ന് അമേരിക്കന് കോണ്ഗ്രസ് പ്രതിനിധി ജോ വില്സണ്. ഹൗസ് ഓഫ് റെപ്രസന്ററ്റീവില് സംസാരിക്കവേയാണ് ഇന്ത്യയുടെ വളര്ച്ചയെക്കുറിച്ച് അദ്ദേഹം എടുത്തുപറഞ്ഞത്. ഇത് അഴിമതി അവസാനിപ്പിക്കുന്നതിനും മത-ജാതി വിവേചനം അവസാനിപ്പിക്കുന്നതിനും ഇത് സഹായകമായിയെന്നും ജോ വില്സണ് പറഞ്ഞു.
ലോകചരിത്രത്തില് ഇസ്ലാമിക ഭീകരതയുടെ ക്രൂരമുഖമായ വേള്ഡ് ട്രേഡ് സെന്റര് ആക്രമണത്തിന് സമാനമാണ് മുംബൈ ഭീകരാക്രമണമെന്നും തന്റെ മുംബൈ സന്ദര്ശനവും ശ്രദ്ധാഞ്ജലി ചടങ്ങും ഓര്മ്മിപ്പിച്ചു കൊണ്ട് വില്സണ് സൂചിപ്പിച്ചു. പ്രധാനമന്ത്രി മോദിയുടെ ഹൗഡി മോഡി പരിപാടി അമേരിക്കയിലെ ഇന്ത്യന് ജനങ്ങള്ക്ക് വലിയ ആവേശമാണുണ്ടാക്കിയത്. 52000 പേര് പങ്കെടുത്ത പരിപാടി അമേരിക്കയുടെ ചരിത്രത്തില്തന്നെ ഒരു വിദേശ പ്രധാനമന്ത്രിക്ക് ലഭിച്ച ഏറ്റവും വലിയ സ്വീകരണമായിരുന്നു. കൂടാതെ ഇന്ത്യന് ജനത അമേരിക്കയുടെ വളര്ച്ചയില് വഹിക്കുന്ന പങ്ക് വളരെ നിര്ണായകമാണെന്നും അദ്ദേഹം പറഞ്ഞു.
