കൊച്ചി: പുതുവെയ്പ്പ് ഐഒസി പ്ലാന്റില് നിരോധനാജ്ഞ ലംഘിച്ച് സമരം ചെയ്തവര് അറസ്റ്റില്. പ്ലാന്റിന്റെ നിര്മാണം നിര്ത്തിവെയ്ക്കണമെന്നാവശ്യപ്പെട്ട് സമരം ചെയ്ത സ്ത്രീകള് ഉള്പ്പടെയുള്ളവരാണ് അറസ്റ്റിലായിരിക്കുന്നത്.
ഇന്ന് രാവിലെയാണ് സംഭവം നടക്കുന്നത്. സ്ത്രീകളുടെ നേതൃത്വത്തിലെത്തിയ സംഘം ഐഒസിയുടെ പ്രവര്ത്തനം നിര്ത്തണമെന്നാവശ്യപ്പെട്ട് എത്തുകയായിരുന്നു. നിരോധനാജ്ഞ ലംഘിച്ച് എത്തിയ ഇവര് പോലീസ് ബാരിക്കേഡിനു മുന്നില് കുത്തിയിരുന്ന് പതിഷേധിച്ചു. ഇതോടെ പോലീസ് ഇവരെ അറസ്റ്റ് ചെയ്ത് നീക്കുകയായിരുന്നു.
ശനിയാഴ്ച പദ്ധതി പ്രദേശത്തേക്ക് നിരോധനാജ്ഞ ലംഘിച്ച് പ്രതിഷേധ പ്രകടനം നടത്തുമെന്ന് നേരത്തെ സമരസമിതി അറിയിച്ചിരുന്നു. സ്ത്രീകളായിരുന്നു സമരത്തിന്റെ മുന്നിരയിലുണ്ടായിരുന്നത്.
സി. ആര്. നീലകണ്ഠന്, എൺ.ബി. ജയഘോഷ്, കെ. എസ്. മുരളി, മാഗ്ലിന്, സി.ജി. ബിജു, എം.ജി. സേവ്യര്, ബിജു കണ്ണങ്ങനാട്ട്, മദര് റെന് സിറ്റ, സെന്റ് സെബാസ്റ്റ്യന് ചര്ച്ച് വികാരി ഫാദര് സിജോയ് കുരിശുംമൂട്ടില് തുടങ്ങിയവരും അറസ്റ്റിലായിട്ടുണ്ട്.
