ന്യൂദല്ഹി : ജാമിയ മിലിയ സര്വ്വകലാശാലയില് വിദ്യാര്ത്ഥികള്ക്ക് വെടിയേറ്റെന്നത് വ്യാജ പ്രചാരണം. ആശുപത്രിയാണ് ഇതുസംബന്ധിച്ച് സ്ഥിരീകരിച്ചിരിക്കുന്നത്. ഇതില് വിദ്യാര്ത്ഥികള്ക്ക് വെടിയേറ്റതിന്റെ പരിക്ക് സംഭവിച്ചിട്ടില്ലെന്നും മെഡിക്കല് റിപ്പോര്ട്ട് പുറത്തുവിട്ടതില് പറയുന്നുണ്ട്.
വെടിയേറ്റട്ടില്ലെന്ന് നേരത്തെ ആഭ്യന്തര മന്ത്രാലയവും അറിയിച്ചിരുന്നതാണ്. ജാമിയ മിലിയ വിദ്യാര്ത്ഥിയായ മുഹമ്മദ് തമീനിന് കാലില് വെടിയേറ്റതായ റിപ്പോര്ട്ടുകളാണ് നേരത്തെ പുറത്തുവന്നത്. ഇടത് കാലിനാണ് വെടിയേറ്റത്. തമീന് പ്രതിഷേധത്തില് പങ്കെടുത്തയാളായിരുന്നില്ലെന്നും അതുവഴി പോയത് മാത്രമായിരുന്നുവെന്നും പ്രചരിച്ചിരുന്നു.
എന്നാല് തമീനിന്റെ കാലിലെ മുറിവ് കണ്ണീര് വാതകത്തിന്റെ ഷെല് തുളച്ച് കയറിയതാകാമെന്ന് ഡോക്ടര് അറിയിച്ചു. വെടിവെപ്പില് നിന്നുണ്ടായ മുറിവല്ല അദ്ദേഹത്തിന്റേത്. എന്നാല് കണ്ണീ വാതക ഷെല് ഏറ്റാല് അതിന് സമാനമായ മുറിവ് സംഭവിക്കും. അതാണ സംഭവിച്ചിരിക്കുകയെന്നും ആശുപത്രി ഡയറക്ടര് മാധ്യമങ്ങളെ അറിയിച്ചു.
തമീന് വെടിയേറ്റതായി കഴിഞ്ഞ ദിവസം മുതല് സമൂഹ മാധ്യമങ്ങളില് വാര്ത്ത പ്രചരിക്കുന്നുണ്ട്. ദേശീയ മാധ്യമങ്ങള് കൂടി ഇത് ഏറ്റെടുത്തതോടെ പ്രതിഷേധങ്ങള് ശക്തമാവുകയും ചെയ്തിരുന്നു. തമീന് പ്രതിഷേധത്തില് പങ്കെടുത്തിട്ടില്ലെന്ന് ഇയാളുടെ സുഹൃത്തുക്കളും നേരത്തെ അറിയിച്ചിരുന്നു. കൂടാതെ പ്രതിഷേധം നടത്തിയവരെ പിടികൂടിയവരെല്ലാം യൂണിവേഴ്സിറ്റിക്ക് പുറത്തുള്ളവരാണ്. സര്വ്വകലാശാല വിദ്യാര്ത്ഥികളല്ലെന്നും പോലീസ് കണ്ടെത്തിയിട്ടുണ്ട്. വിദ്യാര്ത്ഥികളുടെ മറവില് കലാപം അഴിച്ചുവിടാനാണ് അവര് ശ്രമിച്ചുവരുന്നതെന്നും പോലീസ് അറിയിച്ചു.
പ്രതിഷേധത്തില് നിരവധി സാമൂഹിക വിരുദ്ധര് നുഴഞ്ഞു കയറിയിട്ടുണ്ട്. ക്രിമിനല് പശ്ചാത്തലമുള്ളവരാണ് ഇവര്. നിരോധിത സംഘടനകളായ സിമി, പോപ്പുലര് ഫ്രണ്ട്, തുടങ്ങിയവയുമായി ഇവര്ക്ക് ബന്ധമുണ്ട്. വിദ്യാര്ത്ഥികളുടെ മറവില് ആസൂത്രിതമായ നീക്കങ്ങളാണ് അവര് നടത്തി വരുന്നത്. മറ്റ് സംസ്ഥാനങ്ങളിലേക്ക് കലാപം വ്യാപിപ്പിക്കാനും ഇവര് ശ്രമം നടത്തിവരികയാണെന്നും ഇന്റലിജെന്സ് മുന്നറിയിപ്പ് നല്കിയിട്ടുണ്ട്.
