കൊച്ചി: ദേശീയ പൗരത്വ ഭേദഗതിക്കെതിരെയുള്ള സമരരത്തിന്റെ പേരില് അക്രമികള് ഗവര്ണര് ആരിഫ് മുഹമ്മദ് ഖാനെ തടഞ്ഞു. കെഎസ്യു-യൂത്ത് കോണ്ഗ്രസ് പ്രവര്ത്തകരാണ് ഗവര്ണറെ കൊച്ചിയില് തടഞ്ഞത്. കുസാറ്റിന് സമീപം വെച്ചാണ് ഗവര്ണറുടെ വാഹനം തടഞ്ഞത്. കോളേജിലെ പൊതുപരിപാടിക്ക് എത്തിയതായിരുന്നു അദ്ദേഹം.സ്കൂള് ഓഫ് എഞ്ചീനിയറിങില് നിന്ന് ആരംഭിച്ച പ്രതിഷേധ പ്രകടനം പോലീസ് തടഞ്ഞിരുന്നു. ഗവര്ണറുടെ യോഗം നടക്കുന്ന അഡ്മിനിസ്ട്രേറ്റീവ് ബ്ലോക്കിലേക്ക് പ്രതിഷേധം എത്താതെ പോലീസ് തടഞ്ഞു. പ്രതിഷേധിച്ച വിദ്യാര്ത്ഥികളെ പിന്നീട് അറസ്റ്റ് ചെയ്തു നീക്കി. തനിക്കെതിരെ തെരുവില് തടഞ്ഞ് പ്രതിഷേധിച്ചിട്ട് കാര്യമില്ലെന്ന് ഗവര്ണര് പറഞ്ഞു. ജനാധിപത്യത്തില് അഭിപ്രായ വ്യത്യാസങ്ങര് ഉണ്ടാകും. പ്രതിഷേധക്കാര്ക്ക് നേരിട്ട് വന്ന് തന്നോട് സംസാരിക്കാമെന്നും ഗവര്ണര് വ്യക്തമാക്കി.
പൗരത്വ നിയമ ഭേദഗതിക്കെതിരായി നടക്കുന്ന പ്രതിഷേധങ്ങളെ തുടര്ന്ന് സംസ്ഥാനത്ത് ക്രമസമാധാന പ്രശ്ന ഉയര്ന്നു വരുന്നത് ശ്രദ്ധയില്പ്പെട്ടിട്ടുണ്ടെന്നും പ്രതിഷേധങ്ങള് അക്രമാസക്തമാകരുതെന്നും ഗവര്ണര് ആരിഫ് മുഹമ്മദ് ഖാന്. ജനാധിപത്യ രീതിയില് വിയോജിക്കാനും പ്രതിഷേധിക്കാനും അവകാശം എല്ലാവര്ക്കും ഉണ്ട്. എന്നാല് നിയമം കയ്യിലെടുക്കാന് ആര്ക്കും അവകാശം ഇല്ല. അക്രമം ഒന്നിനും പരിഹാരമല്ലെന്നും ഗവര്ണര് ആരിഫ് മുഹമ്മദ് ഖാന് കൊച്ചിയില് പറഞ്ഞു. സംഘടനകള്ക്ക് വിയോജിപ്പ് അറിയിക്കാം. രാജ്ഭവന്റെ വാതിലുകള് തുറന്ന് കിടക്കും.
ഭിന്നാഭിപ്രായങ്ങള് ഉണ്ടെങ്കില് അത് കേള്ക്കാനും ചര്ച്ച ചെയ്യാനും താന് തയ്യാറാണെന്നും ഗവര്ണര് പറഞ്ഞു. അക്രമത്തിലേക്ക് പ്രതിഷേധങ്ങള് പോയാല് ബാധിക്കുന്നത് സാമാന്യ ജനവിഭാഗങ്ങളെയാണ്. അതുകൊണ്ട് തന്നെ അക്രമങ്ങളെ ഒരു കാരണവശാലും അംഗീകരിക്കില്ലെന്നും അക്രമമുണ്ടായാല് നിയന്ത്രിക്കുക എന്നത് പോലീസിന്റെ ഉത്തരവാദിത്തമാണെന്നും ഗവര്ണര് വ്യക്തമാക്കി. പൗരത്വ നിയമ ഭേദഗതി കേരളത്തില് നടപ്പാക്കില്ലെന്ന മുഖ്യമന്ത്രി പിണറായി വിജയന്റെ നിലപാടിനെതിരെ കഴിഞ്ഞ ദിവസവും ഗവര്ണര് ആരിഫ് മുഹമ്മദ് ഖാന് രംഗത്തെത്തിയിരുന്നു. കേന്ദ്ര നിയമം നടപ്പാക്കില്ലെന്ന് പറയാന് സംസ്ഥാനങ്ങള്ക്ക് കഴിയില്ലെന്നും ഗവര്ണര് വ്യക്തമാക്കിയിരുന്നു.
