പത്തനംതിട്ട: ചക്കുളത്തുകാവ് ഭഗവതി ക്ഷേത്രത്തിലെ പൊങ്കാല മഹോത്സവം 10ന് നടക്കും. പൊങ്കാല വ്രതാരംഭത്തിന് തുടക്കം കുറിക്കുന്ന നിലവറദീപം തെളിയിക്കല് ഇന്ന് നടക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. രാവിലെ 9ന് നിലവറദീപം തെളിക്കും. വൈകീട്ട് 5.30ന് കാര്ത്തികസ്തംഭം ഉയര്ത്തല് നടക്കും. പൊങ്കാല ദിവസമായ 10ന് പുലര്ച്ചെ 4ന് ഗണപതിഹോമവും തുടര്ന്ന് നിര്മാല്യദര്ശനവും 8.30ന് വിളിച്ചുചൊല്ലി പ്രാര്ഥനയും നടക്കും. രാവിലെ 10.30ന് പൊങ്കാലയ്ക്ക് തുടക്കം കുറിച്ച് പണ്ടാര അടുപ്പിലേക്ക് മുഖ്യകാര്യദര്ശി രാധാകൃഷ്ണന് നമ്പൂതിരി അഗ്നിപകരും. പൊങ്കാലയുടെ ഉദ്ഘാടനം ഹിന്ദുമത മഹാമണ്ഡലം പ്രസിഡന്റ് പി.എസ്സ്. നായര് നിര്വഹിക്കും. ദേവസ്വം കമ്മീഷണര് ഹര്ഷന് മുഖ്യാഥിതിയാകും. 11ന് അഞ്ഞൂറിലധികം വേദപണ്ഡിതന്മാരുടെ മുഖ്യകാര്മികത്വത്തില് ദേവിയെ എഴുന്നെള്ളിച്ച് ഭക്തര് തയ്യാറാക്കിയ പൊങ്കാല നേദിക്കും. വൈകിട്ട് 5.30ന് ക്ഷേത്രകാര്യദര്ശി മണിക്കുട്ടന് നമ്പൂതിരിയുടെ അധ്യക്ഷതയില് നടക്കുന്ന സാംസ്കാരിക സമ്മേളനം സജി ചെറിയാന് എംഎല് എ ഉദ്ഘാടനം ചെയ്യും. കൊടിക്കുന്നില് സുരേഷ് എംപി മുഖ്യാതിഥിയാകും. കേരളത്തില്നിന്നും ആദ്യമായി സൗത്ത് ആഫ്രിക്കയില് എംപിയായ കേശവം അനില് പിള്ളയെ ആദരിക്കും. യുഎന് വിദഗ്ധസമിതി ചെയര്മാന് ഡോ. സി.വി. ആനന്ദബോസ് കാര്ത്തികസ്തംഭത്തില് അഗ്നി പകരും.
ക്ഷേത്ര അഡ്മിനിസ്ട്രേറ്റര് അഡ്വ. കെ.കെ. ഗോപാലകൃഷ്ണന് നായര്, ഹരിക്കുട്ടന് നമ്പൂതിരി, പിആര്ഒ സുരേഷ് കാവുംഭാഗം, ഉത്സവകമ്മറ്റി പ്രസിഡന്റ് കെ. സതീശ്കുമാര്, സെക്രട്ടറി സന്തോഷ് ഗോകുലം എന്നിവര് പത്രസമ്മേളനത്തില് പങ്കെടുത്തു.
