തിരുവനന്തപുരം: സംസ്ഥാനത്തിന്റെ തലസ്ഥാന നഗരിയില് പട്ടിണി കിടന്ന് മക്കള് വലയുന്നത് കാണാനാവാതെ അവരെ ശിശുക്ഷേമ സമിതിക്ക് കൈമാറി ഒരമ്മ. ആറ് കുട്ടികളില് മുലകുടി മാറാത്ത രണ്ട് കുട്ടികളെ ഒഴിച്ച് തന്റെ നാല് മക്കളേയും ആ അമ്മ ശിശുക്ഷേമ സമിതിക്ക് കൈമാറി.
വിശപ്പടതക്കാനാകാതെ മൂത്ത കുട്ടി മണ്ണ് വരെ വാരി തിന്ന അവസ്ഥയുണ്ടായപ്പോഴാണ് തിരുവനന്തപുരം ശിശുക്ഷേമ സമിതി ഓഫീസില് കഴിഞ്ഞ ദിവസം കുട്ടികളുടെ അമ്മ അപേക്ഷ നല്കിയത്. തലസ്ഥാന നഗരിയിലെ കൈതമുക്കിലെ പുറമ്പോക്കിലെ ഷെഡില് കഴിയുന്ന കുടുംബത്തിലെ അമ്മയാണ് തന്റെ ദുരിതം പുറം ലോകത്തെ അറിയിച്ചത്.
ആറു കുട്ടികളാണ് ഇവര്ക്ക്. മൂത്ത കുട്ടിയ്ക്ക് ഏഴ് വയസ്സും ഏറ്റവും ഇളയ കുട്ടിയ്ക്ക് മൂന്ന് മാസവുമാണ് പ്രായം. കൂലിപ്പണിക്കാരനായ ഭര്ത്താവ് മദ്യപാനിയുമാണ്. ഭക്ഷണത്തിന് ഉള്ള ചിലവ് പോലും ഭര്ത്താവ് നോക്കാറില്ല. വിശപ്പടക്കാന് സാധിക്കാതെ മൂത്ത കുട്ടി മണ്ണ് വാരി തിന്ന അവസ്ഥ പോലും ഉണ്ടായി. സംഭവമറിഞ്ഞ് ചൈല്ഡ് ലൈന് പ്രവര്ത്തകര് ഇവിടെ എത്തുകയായിരുന്നു. മുലപ്പാല് കുടിയ്ക്കുന്ന രണ്ട് കുഞ്ഞുങ്ങള് ഒഴികെയുള്ള നാല് കുട്ടികളെയും ശിശുക്ഷേമ സമിതി ഏറ്റെടുത്തു.
ലൈഫ് പദ്ധതിയില് ലക്ഷങ്ങള്ക്ക് വീടൊരക്കിയ സംസ്ഥാനത്താണ് എട്ട് പേരടങ്ങുന്ന കുടുംബം പുറമ്പോക്കിലെ ഷെഡില് കഴിഞ്ഞത്. ഭര്ത്താവിനെതിരെ പരാതിയില്ലെന്നും മക്കള് ആരോഗ്യത്തോടെ വളര്ന്നാല് മതിയെന്നുമാണ് ഈ അമ്മ പറയുന്നു.
നീതി ആയോഗ് പുറത്ത് വിട്ട ആരോഗ്യ സൂചിക റിപ്പോര്ട്ടില് ഒന്നാം സ്ഥാനത്ത് ഉള്ള കേരളത്തിലാണ് വിശപ്പടക്കാന് മാര്ഗ്ഗമില്ലാതെ മണ്ണ് വാരിതിന്നേണ്ട ദുരവസ്ഥ ഉണ്ടായത്.
