തിരുവനന്തപുരം: ശബരിമലയില് മണ്ഡല മകരവിളക്ക് കാലം ആരംഭിക്കാനിരിക്കെ ഇത്തവണയും യുവതീ പ്രവേശനം ലക്ഷ്യമിട്ട് വന് പോലീസ് സന്നാഹത്തെ വിന്യസിക്കുമെന്ന് റിപ്പോര്ട്ട്. ഇതിനായി മൂവായിരത്തോളം പോലീസ് ഉദ്യോഗസ്ഥരെയാണ് ആദ്യഘട്ടം മാത്രം വിന്യസിക്കുന്നത്. കണ്ണീര് വാതകങ്ങളും ലാത്തികളും ഉള്പ്പടെ സന്നിധാനത്ത് എത്തിക്കാനും നിര്ദ്ദേശമുണ്ട്.
ഒരു കമ്പനി വനിതാ പോലീസിനെ ഉള്പ്പെടെ നിയോഗിക്കാന്, വിപുലമായ പദ്ധതിയുടെ രൂപരേഖ തന്നെ പിണറായിയുടെ പോലീസ് തയ്യാറാക്കിയിട്ടുണ്ട്. മൂവായിരത്തോളം പോലീസ് ഉദ്യോഗസ്ഥരെ ആദ്യഘട്ടത്തില് ശബരിമലയില് നിയോഗിക്കും. ഉദ്യോഗസ്ഥര് കണ്ണീര് വാതകവും ലാത്തിയുമുള്പ്പെടെ സന്നിധാനത്തേക്ക് എത്തിക്കണമെന്നും നിര്ദ്ദേശമുണ്ട്. ഇതിനൊപ്പം ജലപീരങ്കിയും മറ്റും പമ്പയില് സജ്ജീകരിക്കണമെന്നും രൂപരേഖയില് പറയുന്നു.
കമ്മ്യൂണിസ്റ്റ് ഭീകരരുടെ ഭീഷണിയുള്പ്പെടെ ശബരിമലയില് നിലനില്ക്കുന്നതായി ഇതില് ചൂണ്ടിക്കാട്ടുന്നുണ്ട്. ശബരിമലയിലെ യുവതീ പ്രവേശന നടപടികള് സുഗമമാക്കുകയാണ് ലക്ഷ്യമെന്നും പദ്ധതി രൂപരേഖയില് സൂചിപ്പിക്കുന്നു. എഡിജിപി ഷെയ്ക് ദര്വേസ് സാഹിബിനാണ് ശബരിമലയിലെ പോലീസിന്റെ ഏകോപന ചുമതല. ഐപിഎസ് ഉദ്യോഗസ്ഥരെ കൂട്ടത്തോടെ തന്നെ ശബരിമലയില് വിന്യസിച്ചിട്ടുണ്ട്. സര്ക്കാര് നിര്ദ്ദേശങ്ങള്ക്ക് കഴിഞ്ഞ തവണ വഴങ്ങാതിരുന്ന ഉദ്യോഗസ്ഥരെ ഇത്തവണ ഒഴിവാക്കിയെന്നാണ് സൂചന.
