തിരുവനന്തപുരം: മലിനമായ പ്രദേശത്തുനിന്നുള്ള കരകയറ്റമായി വോട്ടര്മാര് ഉപതെരഞ്ഞെടുപ്പിനെ കാണണമെന്ന് സുരേഷ് ഗോപി എംപി. കൊടുങ്ങാനൂര് നടന്ന കുടുംബ യോഗത്തിന്റെ ഉദ്ഘാടനം നിര്വ്വഹിക്കുകയായിരുന്നു അദ്ദേഹം. വോട്ടര്മാര്ക്ക് മാറി ചിന്തിക്കേണ്ട അവസരമാണിതെന്നും അദ്ദേഹം പറഞ്ഞു.
കേന്ദ്ര സംസ്ഥാന സര്ക്കാരുകളുടെ വിലയിരുത്തി വേണം വോട്ടര്മാര് വോട്ടിടാന്. ത്രിവര്ണ പതാകയ്ക്ക് കളങ്കം ചാര്ത്തുന്ന കൈപ്പത്തിയെ തൂത്തെറിയേണ്ട സമയമാണിത്. സംസ്ഥാനത്തെ നട്ടെലില്ലാത്ത പ്രതിപക്ഷം ഭരണപക്ഷത്തെ കയറൂരിവിട്ടിരിക്കുകയാണ്. അവര് സംസ്ഥാത്തിന്റെ സ്വൈര്യജീവിതത്തിന്മേല് കത്തിവച്ച് അക്രമരാഷ്ട്രീയത്തെ പ്രോത്സാഹിപ്പിക്കുകയാണെന്ന് അദ്ദേഹം പറഞ്ഞു.
കെവിന്റെയും മധുവിന്റെയും കൊലപാതകങ്ങള് നമ്മുടെ കേരളത്തിലാണ് നടന്നതെന്നത് ഓര്മ്മവയ്ക്കണം. എന്നാല് ഇരുമുന്നണികളും മാധ്യമങ്ങളും വടക്കേ ഇന്ത്യയിലേക്ക് കണ്ണും നട്ടിരിക്കുകയാണ്. 2016ലെ തെരഞ്ഞെടുപ്പിലെ വട്ടിയൂര്ക്കാവിലെ വോട്ടിന്റെ ക്രയവിക്രയങ്ങളും പണമിടപാടുകളും ഇന്ന് ഇരുമുന്നണികളും ഓരോന്നായി പരസ്പരം വെളിപ്പെടുത്തുകയാണെന്നും സുരേഷ് ഗോപി എംപി വ്യക്തമാക്കി. ഇരുകാലിനും സ്വാധീനമില്ലാത്ത കൊടുങ്ങാനൂരിലെ തെരഞ്ഞെടുപ്പുകളിലെ ആദ്യവോട്ടറായ സുമംഗലാ ദേവിയെ സുരേഷ് ഗോപി ആദരിച്ചു.
മുന് ഗവര്ണര് കുമ്മനം രാജശേഖരന്, ബിജെപി വട്ടിയൂര്ക്കാവ് മണ്ഡലം പ്രസിഡന്റ് ജയചന്ദ്രന്, സംസ്ഥാന സമിതി അംഗം വെങ്ങാനൂര് ഗോപന്, ഡി. കൃഷ്ണകുമാര്, കൊല്ലയില് അജിത്ത് കുമാര് എന്നിവര് സംസാരിച്ചു.
