ആലപ്പുഴ: അരൂരില് ആകെ വോട്ടര്മാര് 1.91,898. അതില് 94,153 പുരുഷന്മാരും 97,745 വനിതകളുമാണ്. ആകെ പോളിങ് ബൂത്തുകള് 183 ആണ്. പ്രശ്നബാധിത ബൂത്തുകള് പതിനേഴും, അതീവ പ്രശ്നബാധിത ബൂത്തുകള് എട്ടുമാണെന്ന് ജില്ലാ കളക്ടര് അദില അബ്ദുള്ള പത്രസമ്മേളനത്തില് അറിയിച്ചു.
25 ബൂത്തുകളില് വെബ്കാസ്റ്റിങ് നടത്തും. മോഡല് പോളിങ് ബൂത്തുകളുടെ എണ്ണം കൂട്ടും. ഒരു സ്ത്രീ സൗഹൃദ ബൂത്ത് ഉണ്ടാകും. പണത്തിന്റേയും മദ്യത്തിന്റെയും ഒഴുക്ക് നിയന്ത്രിക്കുന്നതിന് ജില്ലാ പോലീസ് മേധാവിയുടെ മേല്നോട്ടത്തില് പ്രത്യേക സ്ക്വാഡ് രൂപീകരിച്ചിട്ടുണ്ട്. ഇതിനായി ഡിവൈഎസ്പിക്ക് ചുമതല നല്കി. സ്റ്റാറ്റിക് സര്വലൈന്സ് സ്ക്വാഡുകളുടെ എണ്ണം ആറില്നിന്ന് ഒമ്പതാക്കി വര്ധിപ്പിച്ചു.
പണത്തിന്റേയും മദ്യത്തിന്റെയും ഒഴുക്ക് കര്ശനമായി നിയന്ത്രിക്കുന്നതിനു വേണ്ടിയാണിത്. ഇലക്ട്രോണിക് വോട്ടിങ് മെഷീനുകളുടെ ആദ്യ റാന്ഡമൈസേഷന് 10ന് നടക്കും. വരണാധികാരിക്ക് വോട്ടിങ് മെഷീനുകള് റിസര്വ് സഹിതം നല്കുന്നതായിരിക്കും.
കണ്ട്രോള് യൂണിറ്റ് 20 ശതമാനം ബാലറ്റ് യൂണിറ്റ് 20 ശതമാനം റിസര്വും വിവിപാറ്റ് 30 ശതമാനം റിസര്വും നല്കും. വോട്ടെടുപ്പിന് പുതിയ എം3 മെഷീനുകളാണ് ഉപയോഗിക്കുന്നത്. രണ്ടാം റാന്ഡമൈസേഷന് 14ന് നടക്കും.
15ന് ഇവിഎം കമ്മീഷനിങ് നടത്തും. പതിനഞ്ച് പോളിങ് ഉദ്യോഗസ്ഥരുടെ റാന്ഡമൈസേഷന് എട്ടിന് നടക്കുന്നതും പോസ്റ്റിങ് ഓര്ഡറുകള് ഒമ്പതിനകം തന്നെ എല്ലാ ഓഫീസുകളിലും എത്തിക്കുന്നതുമാണ്. പോളിങ് ഉദ്യോഗസ്ഥരുടെ ഒന്നാംഘട്ട പരിശീലനം 11, 12 തീയതികളില് നടക്കും.
വോട്ടേഴ്സ് സ്ലിപ് വിതരണം ചെയ്യുന്നതിനായി 14ന് തന്നെ ബന്ധപ്പെട്ട ബൂത്ത് ലെവല് ഓഫീസര്മാര്ക്ക് നല്കാനാണ് തീരുമാനം.
