ന്യൂദല്ഹി: രാജ്യവിരുദ്ധ പരാമര്ശങ്ങള്ക്കു കുപ്രസിദ്ധി നേടിയ കോണ്ഗ്രസ് നേതാവ് ദിഗ് വിജയ് സിങ് വിവാദ പരാമര്ശവുമായി വീണ്ടും രംഗത്ത്. കശ്മീരിലെ 370ാം വകുപ്പ് റദ്ദാക്കിയതാണ് സിങ്ങിനെ ഇപ്പോള് പ്രകോപിച്ചിരിക്കുന്നത്. പാക്കിസ്ഥാനു വേണ്ടി ചാരപ്പണി ചെയ്യുന്നതില് മുസ്ലിമുകളേക്കാള് അമുസ്ലിങ്ങളാണ് കൂടുതലന്നെന്നു ദിഗ് വിജയ് സിങ്. കൂടാതെ, പാക് ചാരസംഘടന ഐഎസ്ഐയില് നിന്ന് ബിജെപിയും ബജ്റംഗ്ദളും ഫണ്ട് കൈപ്പറ്റുന്നുണ്ടെന്നും കോണ്ഗ്രസ് നേതാവ്. വിവാദപരമായ പ്രസ്താവനകള് നടത്തി വാര്ത്തകളില് ഇടംപിടിക്കുന്ന നേതാവാണ് സിങ്. സിങ്ങിന്റെ ഇപ്പോഴത്തെ പ്രസ്താവനയ്ക്കെതിരേ സോഷ്യല് മീഡിയിയല് വന് പ്രതിഷേധം ഉയരുന്നുണ്ട്.
#WATCH MP: Congress leader Digvijaya Singh says, “Bajrang Dal, Bharatiya Janata Party (BJP) are taking money from ISI (Inter-Services Intelligence). Attention should be paid to this. Non-Muslims are spying for Pakistan’s ISI more than Muslims. This should be understood.” (31.08) pic.twitter.com/NPxltpaRZA
— ANI (@ANI) September 1, 2019
മുംബൈ ആക്രമണ സമയത്ത് അടക്കം രാജ്യവിരുദ്ധ പരാമര്ശങ്ങളുമായി സിങ് രംഗത്തുവന്നിരുന്നു. ഹിന്ദു സംഘടനകളുടെ ഗൂഢാലോചനയാണ് മുംബൈ ആക്രമണമെന്നായിരുന്നു അന്നത്തെ പ്രചാരണം. ബിജെപി സ്ഥാനാര്ഥി സ്വാദി പ്രഗ്യയ്ക്കെതിരേ കനത്ത തോല്വിയാണ് ഇക്കഴിഞ്ഞ തെരഞ്ഞെടുപ്പില് സിങ്ങിനെ നേരിടേണ്ടി വന്നത്.ബലാക്കോട്ട് ആക്രമണത്തിനു ശേഷം സിങ് നടത്തിയ പരാമര്ശങ്ങളാണ് ഇന്ത്യക്കെതിരേ അന്നു പാക്കിസ്ഥാന് ആയുധമാക്കിയത്.
