ന്യൂദല്ഹി: രാജ്യത്തെ പത്തു പൊതുമേഖല ബാങ്കുകളെ ലയിപ്പിച്ചതിലൂടെ കൂടുതല് തൊഴിലവസരങ്ങള് സൃഷ്ടിക്കുമെന്നും ധനകാര്യ സെക്രട്ടറി രാജീവ് കുമാര്. ചില ട്രേഡ് യൂണിയനുകള് ആരോപിക്കുന്നതുപോലെ ഒരു ജീവനക്കാരെയും പിരിച്ച് വിടില്ല. ഒരു ബാങ്കിന്റെ വലുപ്പം കൂടുംമ്പോള്, അതിന്റെ ബിസിനസും വളരും. ഇതു കൂടുതല് തൊഴിലവസരങ്ങള് സൃഷ്ടിക്കുമെന്നും ദേശീയ മാധ്യമത്തിനുനല്കിയ അഭിമുഖത്തില് അദ്ദേഹം പറഞ്ഞു. മുമ്പ് മൂന്ന് ബാങ്കുകള് ബാങ്ക് ഓഫ് ബറോഡയുമായി ലയിപ്പിച്ചതും സ്റ്റേറ്റ് ബാങ്ക് ഓഫ് ഇന്ത്യയുടെ ലയനവും ഉദാഹരണമാണ്. പിരിച്ചുവിടലുകള് ഉണ്ടാക്കില്ലെന്നും ജീവനക്കാര്ക്ക് മെച്ചപ്പെട്ട സൗകര്യങ്ങള് ലഭിക്കുമെന്നും രാജീവ് കുമാര് പറഞ്ഞു. അടുത്ത അഞ്ചു വര്ഷത്തിനുള്ളില് ഇന്ത്യ അഞ്ച് ട്രില്യണ് ഡോളര് സമ്പദ്വ്യവസ്ഥയായി മാറുന്നതിന് പിഎസ്ബികളുടെ ലയനം അനിവാര്യമാണ്. 2017 ല് 27 പിഎസ്ബികള് ഉണ്ടായിരുന്നതില് നിന്നും 12 എണ്ണം മാത്രമാക്കിയെന്നും അദേഹം പറഞ്ഞു.
ശക്തമായ ദേശീയ സാന്നിധ്യവും ആഗോള വ്യാപനവുമുള്ള പി.എസ്.ബികള്, ദേശീയ സാന്നിധ്യമുള്ള പി.എസ്.ബികള്, പ്രാദേശിക സാന്നിധ്യമുള്ള പി.എസ.്ബികള് എന്നിങ്ങനെ ഭാവിയില് മൂന്ന് തരത്തിലുള്ള ബാങ്കുകളുണ്ടാകുമെന്ന് രാജീവ് കുമാര് വ്യക്തമാക്കി. ലയനത്തിനുശേഷം, പി.എസ്.ബികള്ക്ക് നിക്ഷേപം നടത്താനും ചെലവ് കുറയ്ക്കാനും ഉപയോക്താക്കള്ക്ക് സൗകര്യങ്ങള് വര്ദ്ധിപ്പിക്കാനും കഴിയും. ലയനം ചെറുകിട ബാങ്കുകളില് ജോലി ചെയ്യുന്ന ജീവനക്കാര്ക്ക് ഗുണം ചെയ്യും. കൂടാതെ, അവര്ക്ക് സാമ്പത്തിക ക്രയവിക്രയത്തിനു കൂടുതല് അവസരങ്ങളുണ്ടാകും. ഉദാഹരണത്തിന്, ഇന്ത്യന് ബാങ്കും അലഹബാദ് ബാങ്കും ലയിപ്പിച്ചതിലൂടെ ജീവനക്കാര്ക്ക് പോസ്റ്റിങ്ങ് എളുപ്പമാകും. എതൊരു പ്രശ്നവും പരിഹരിക്കാന് സര്ക്കാര് ഉണ്ടെന്നും അദ്ദേഹം പറഞ്ഞു.
