കൊല്ക്കത്ത: ബിജെപി ബംഗാള് ഘടകം അധ്യക്ഷന് ദിലീപ് ഘോഷിനു നേരേ തൃണമൂല് കോണ്ഗ്രസിന്റെ ഗുണ്ടകളുടെ ആക്രമണം. ഇന്നു രാവിലെ പതിവ് നടത്തത്തിനിറങ്ങുമ്പോഴായിരുന്നു ടിഎംസി ഗുണ്ടകളുടെ ആക്രമണം. കൊല്ക്കത്ത ലേക്ക് ടൗണില് വച്ചായിരുന്നു സംഭവം. ഘോഷ് എല്ലാ ദിവസവും പ്രഭാത നടത്തത്തിനായി ഇതുവഴി പോകാറുള്ളതാണ്. . നൂറോളം പേര് ഘോഷിനെ വളയുകയും ‘ഗോ ബാക്ക് ദിലീപ് ഘോഷ്’ എന്ന മുദ്രാവാക്യം വിളിക്കുകയും അവര് നേതാവിനെ ആക്രമിക്കുകയും ഭീഷണിപ്പെടുത്തുകയും ചെയ്തുവെന്നാണ് ദൃക്സാക്ഷികളുടെ മൊഴി.
ഈ വര്ഷത്തെ ലോക്സഭാതെരഞ്ഞെടുപ്പില് ബിജെപി സംസ്ഥാനത്തെ 42 സീറ്റുകളില് 18 സീറ്റുകള് നേടി, ഭരണകക്ഷിയായ ടിഎംസിയേക്കാള് നാല് സീറ്റ് മാത്രമായിരുന്നു കുറവ്. 2014 ല് 34 ല് നിന്ന് 22 സീറ്റുകളിലേക്ക് ടിഎംസിയുടെ എണ്ണം കുറഞ്ഞു. കൂച്ച്ബെഹാര്, നോര്ത്ത്, സൗത്ത് ദിനാജ്പൂര്, ബന്കുര, പുരുലിയ, അലിപൂര്ദുര്, ജില്ലകളിലെ എല്ലാ ലോക്സഭാ മണ്ഡലങ്ങളും ബിജെപി നേടി. പത്ത് ബംഗാള് സിനിമാ താരങ്ങള് ദിലീപ് ഘോഷിന്റെ നേതൃത്വത്തില് ദിവസങ്ങള്ക്ക് മുന്പാണ് ബിജെപിയില് ചേര്ന്നത്. കൂടാതെ ടിഎംസി ഗുണ്ടകള് ബംഗാളില് നടത്തുന്ന അക്രമങ്ങള്ക്കെതിരെ ഓഗസ്റ്റ് 27ന് അദ്ദേഹം സംസാരിച്ചിരുന്നു. അക്രമണങ്ങള് അവസാനിപ്പിച്ചില്ലെങ്കില് അതേ നാണയത്തില് തിരിച്ചടിക്കുമെന്ന് അദ്ദേഹം വ്യക്തമാക്കിയിരുന്നു.
