ന്യൂദല്ഹി : ഐഎന്എക്സ് മീഡിയ അഴിമതിക്കേസില് കുറ്റാരോപിതനായ മുന്ധനമന്ത്രി പി. ചിദംബരത്തെ ന്യായീകരിച്ച് പ്രിയങ്ക വാദ്ര. മടിയില്ലാതെ സത്യംവിളിച്ചു പയുകയും സര്ക്കാരിന്റെ പരാജയങ്ങള് അദ്ദേഹം ചൂണ്ടിക്കാണിക്കുകയും ചെയ്തെന്നുമാണ് പ്രിയങ്ക ചിദംബരത്തെ ന്യായീകരിച്ചത്. വിശ്വസ്തതയോടെ രാജ്യത്തെ സേവിച്ച വ്യക്തിയാണ് അദ്ദേഹമെന്നും പ്രിയങ്ക ട്വിറ്ററിലൂടെ അറിയിച്ചു.
അതേസമയം ചിദംബരത്തെ ചോദ്യം ചെയ്യുന്നതിനായി ജോര്ബാഗിലെ വീട്ടില് വീണ്ടുമെത്തിയ സിബിഐ അദ്ദേഹത്തെ കണ്ടെത്താനാകാത്തതിനെ തുടര്ന്ന് മടങ്ങി. രാവിലെ 10.30 വരെ നടപടി പാടില്ലെന്ന് സിബിഐയോട് ചിദംബരം അറിയിച്ചെങ്കിലും രാവിലെ സിബിഐ വീണ്ടും ചിദംബരത്തിന്റെ വീട്ടിലെത്തുകയായിരുന്നു.
ദല്ഹി ഹൈക്കോടതി വിധിയെ ചോദ്യം ചെയ്ത് ചിദംബരം സമര്പ്പിച്ച ഹര്ജി സുപ്രീംകോടതി 10.30 ന് പരിഗണിക്കും. പി. ചിദംബരത്തെ അഴിമതിക്കേസുമായി ബന്ധപ്പെട്ട് അറസ്റ്റ് ചെയ്യാന് വഴിയൊരുക്കുന്നതാണ് ദല്ഹി ഹൈക്കോടതിയുടെ വിധി. ചൊവ്വാഴ്ച അര്ധരാത്രി ചിദംബരത്തിന്റെ വീട്ടില് ‘രണ്ട് മണിക്കൂറിനുള്ളില് ഹാജരാകണം’ എന്നാവശ്യപ്പെട്ടുള്ള നോട്ടീസ് സിബിഐ പതിച്ചിരുന്നു. അത് ഗൗനിക്കാതിരുന്നതിനെ തുടര്ന്നാണ ്സിബിഐ വീണ്ടും എത്തിയത്.
ഐഎന്എക്സ് മീഡിയ എന്ന മാധ്യമക്കമ്പനിക്ക് വഴിവിട്ട് വിദേശഫണ്ട് സ്വീകരിക്കാന് വഴിയൊരുക്കിയതിന് പ്രതിഫലമായി പി. ചിദംബരത്തിന്റെ മകന് കാര്ത്തി ചിദംബരത്തിന് കോഴപ്പണവും പദവികളും ലഭിച്ചുവെന്നതാണ് കേസ്. അഴിമതിയാരോപിക്കപ്പെട്ട ഇടപാട് നടക്കുന്ന സമയത്ത് ആദ്യയുപിഎ സര്ക്കാരില് ചിദംബരമായിരുന്നു ധനമന്ത്രി. ഈ ഇടപാട് നടക്കാന് വഴിവിട്ട സഹായം നല്കുകയും ധനവകുപ്പില് നിന്ന് ക്ലിയറന്സ് നല്കിയതും അദ്ദേഹമാണ്.
