ന്യൂദല്ഹി: സമൂഹമാധ്യമ അക്കൗണ്ടുകളെ ആധാറുമായി ബന്ധിപ്പിക്കണമെന്ന് ആവശ്യപ്പെട്ട് ഫേസ്ബുക്ക് സമര്പ്പിച്ച ഹര്ജിയില് കേന്ദ്രസര്ക്കാരിനും വിവിധ സമൂഹമാധ്യങ്ങള്ക്കും സുപ്രീം കോടതിയുടെ നോട്ടീസ്. അക്കൗണ്ടുകളുടെ ആധികാരികത ഉറപ്പാക്കാന് നിലവില് സംവിധാനങ്ങളില്ലെന്ന ഫേയ്സ്ബുക്കിന്റെ പരാതിയെ തുടര്ന്നാണ് സുപ്രീംകോടതി കേന്ദ്ര സര്ക്കാരിന്റെ അഭിപ്രായം തേടിയത്. വിഷയം സുപ്രീം കോടതി പരിഗണിക്കണമെന്നാവശ്യപ്പെട്ട് സൈബര് കുറ്റകൃത്യങ്ങള് തടയാനും വ്യാജവാര്ത്ത നിയന്ത്രിക്കുന്നതിനടക്കം ഇത് ഗുണകരമാകുമെന്ന് തമിഴ്നാട് സര്ക്കാരിന് വേണ്ടി ഹാജരായ അറ്റോര്ണി ജനറല് കെ കെ വേണുഗോപാല് കോടതിയെ അറിയിച്ചു. സമൂഹ മാധ്യമ അക്കൗണ്ടുകള്ക്ക് ആധാര് നിര്ബന്ധമാക്കിയ മദ്രാസ് ഹൈക്കോടതി ഉത്തരവിന് സ്റ്റേയില്ല.
രാജ്യത്ത് സമൂഹമാധ്യമങ്ങള് വഴി സംഭവിക്കുന്ന അക്രമങ്ങളും കലാപങ്ങളും ഇതുവഴി തടയാനാവും. സെലിബ്രിറ്റികളുടെയും പ്രമുഖരുടെയും പേരിലുള്ള വ്യാജ അക്കൗണ്ടുകളും അതില് പോസ്റ്റ് ചെയ്യപ്പെടുന്ന കണ്ടെന്റുകളുടെ ഉദ്ദേശ്യ ശുദ്ധിയും ഇതിലൂടെ തിരിച്ചറിയാന് കഴിയുമെന്നും ഹര്ജിയില് വ്യക്തമാക്കുന്നുണ്ട്. രാജ്യത്ത് നിലവില് 3.5 കോടി ട്വിറ്റര്, 32.5 കോടി ഫെയ്സ്ബുക് അക്കൗണ്ടുകളുണ്ട്. ഇതില് പത്ത് ശതമാനം അക്കൗണ്ടുകളും വ്യാജമാണെന്നാണ് സോഷ്യല്മീഡിയ വിദഗ്ധര് പറയുന്നത്. ഇത്തരം അക്കൗണ്ടുകള് വഴിയാണ് വ്യാജ വാര്ത്തകള് പ്രചരിക്കുന്നത്. സോഷ്യല്മീഡിയ അക്കൗണ്ടുകള് ആധാറുമായി ബന്ധിപ്പിച്ചാല് വ്യാജന്മാരെ നേരിടാമെന്നാണ് കോടതിയില് ഫയല് ചെയ്ത ഹര്ജിയില് പറയുന്നത്.
സമൂഹമാധ്യമങ്ങളിലെ അക്കൗണ്ടുകളെ ആധാറുമായി ബന്ധിപ്പിക്കണമെന്ന് ആവശ്യപ്പെട്ട് വിവിധ ഹൈക്കോടതികളില് സമര്പ്പിക്കപ്പെട്ട ഹര്ജികള് സുപ്രീംകോടതിയിലേയ്ക്ക് മാറ്റണമെന്ന് ആവശ്യപ്പെട്ട് ഫേസ്ബുക്ക് കേന്ദ്രസര്ക്കാരിന് അപേക്ഷ നല്കിയിരുന്നു. ഭീകരവാദപ്രവര്ത്തനങ്ങള്ക്ക് ലൈംഗീക ചൂഷണത്തിനും സോഷ്യല് മീഡിയ ഉപയോഗിക്കുന്നുണ്ടെന്നും സമൂഹ മാധ്യമ അക്കൗണ്ടുകള് ആധാറുമായി ബന്ധിപ്പിക്കുന്നത് ഇത് തടയാന് സാധിക്കുമെന്നുമാണ് തമിഴ്നാട് സര്ക്കാരിന്റെ വാദം. സമാനമായ ഹര്ജികള് മറ്റ് സംസ്ഥാനങ്ങളിലെ ഹൈക്കോടതികളും പരിഗണിക്കുന്നുണ്ട്. കേസ് സെപ്റ്റംബര് 13ന് വീണ്ടും സുപ്രീം കോടതി വീണ്ടും പരിഗണിക്കും.
