തിമ്പു: ഭൂട്ടാന് ജനതയ്ക്കു എല്പിജി മുതല് ബഹിരാകാശ സഹകരണം വരെ ഉറപ്പു നല്കി വമ്പന് പ്രഖ്യാപനങ്ങളുമായി പ്രധാനമന്ത്രി നരേന്ദ്ര മോദി. ജല വൈദ്യുതി പദ്ധതിയിലെ സഹകരണത്തിനപ്പുറത്തേക്ക് ഭൂട്ടാനുമായുള്ള ബന്ധം വര്ധിപ്പിക്കുകയാണു തന്റെ സന്ദര്ശനത്തിന്റെ ലക്ഷ്യമെന്ന് അദേഹം പറഞ്ഞു.
പ്രകൃതി വാതകം, റുപേ കാര്ഡിന്റെ പ്രഖ്യാപനം, വിദേശ കറന്സി വിനിമയം, ശാസ്ത്ര, വിദ്യാഭ്യാസ മേഖല തുടങ്ങിയ വിഷയങ്ങളിലെ സഹകരണമാണു പ്രധാനമന്ത്രി നരേന്ദ്ര മോദി ഭൂട്ടാനു വാഗ്ദാനം ചെയ്തത്. ഭൂട്ടാന് തലസ്ഥാനമായ തിമ്പുവില് പ്രധാനമന്ത്രി ഷെറിങ് തോബെയോടൊപ്പം നടത്തിയ സംയുക്ത വാര്ത്താ സമ്മേളനത്തിലാണ് മോദി ഇക്കാര്യം വ്യക്തമാക്കിയത്.
ഭൂട്ടാനിലെ നദികളിലെ ജലത്തില്നിന്നു കഴിഞ്ഞ വര്ഷങ്ങളില് ഇരു രാഷ്ട്രങ്ങളും വൈദ്യുതി മാത്രമല്ല ഉല്പാദിപ്പിച്ചത്, സമൃദ്ധിയും കൂടിയാണ് 5,012 കോടിയുടെ മാങ്ദേചു ജലവൈദ്യുത പദ്ധതി ഉദ്ഘാടനത്തിനുശേഷം പ്രധാനമന്ത്രി പറഞ്ഞു. എല്പിജിയുടെ വിതരണം പ്രതിമാസം 700 മെട്രിക് ടണ്ണില്നിന്ന് 1000 മെട്രിക് ടണ്ണായി ഉയര്ത്തും. ഭൂട്ടാനിലെ സാധാരണ ജനങ്ങളുടെ ആവശ്യത്തിനാണ്. ഭൂട്ടാന് പഞ്ചവല്സര പദ്ധതികളിലൂടെ ഇന്ത്യ നല്കുന്ന സഹായം തുടരും. ഇതില് ഭൂട്ടാനിലെ ജനങ്ങളുടെ താല്പര്യങ്ങള്ക്കായിരിക്കും മുന്ഗണന നല്കുക. ചെറു ഉപഗ്രങ്ങള് നിര്മിക്കുന്നതിനും ബഹിരാകാശ സാങ്കേതികവിദ്യ ഉപയോഗിക്കുന്നതിലും ഇരു രാജ്യങ്ങളും സഹകരിക്കുമെന്നും പ്രധാനമന്ത്രി വ്യക്തമാക്കി.
