ശ്രീനഗര് : പരമാധികാര ഇന്ത്യയുടേയും ഭരണകൂടത്തിന്റേയും ഭാഗമാകാന് താത്പര്യം പ്രകടിപ്പിച്ച് പാക് അധിനിവേശ കശ്മീരിലെ മുസ്ലിം വിഭാഗങ്ങള്. പാക് അധിനിവേശ കശ്മീരിലെ ജനഹിതം പരിശോധിക്കുകയാണെങ്കില് 99 ശതമാനം ആളുകള്ക്കും ഇന്ത്യയുടെ ഭാഗമാകാനാണ് ആഗ്രഹം പ്രകടിപ്പിക്കുകയെന്നും ഇസ്ലാമിക് സംഘടനയായ അഞ്ജുമന് മിനാജ് ഇ റസൂല് ചെയര്മാന് മൗലാന സെയ്ദ് അതാര് ദെഹ്ലവി അറിയിച്ചു.
അഞ്ച് ദിവസത്തെ സന്ദര്ശനത്തിനായി ജമ്മു കശ്മീരില് എത്തിയപ്പോഴാണ് അ്ദ്ദേഹം ഇക്കാര്യം വ്യക്തമാക്കിയത്. പ്രധാനമന്ത്രി നരേന്ദ്രമോദിയുടെ സൗഹാര്ദ്ദ പരമായ നയങ്ങള് സംസ്ഥാനത്തെ ജനങ്ങള്ക്കിടയില് അദ്ദേഹത്തിന് മതിപ്പുളവാക്കിയിട്ടുണ്ട്. ഇതാണ് ജനങ്ങളെ അദ്ദേഹത്തിലേക്ക് അടുപ്പിക്കുന്നതെന്നും അദ്ദേഹം പറഞ്ഞു.
കശ്മീരി പണ്ഡിറ്റുകള് സംസ്ഥാനം വിട്ടപ്പോള് അതിനെതിരെ പ്രിതികരിച്ചതും തന്റെ അഞ്ജുമന് മിനാജ് ഇ റസൂലാണ്. കൂടാതെ ഒസാമ ബിന്ലാദന്റെ ഭീകര പ്രവര്ത്തനങ്ങള്ക്കും ഇസ്ലാമിക് സ്റ്റേറ്റ്, അല്ഖ്വയ്ദ തുടങ്ങിയയ്ക്കുമെതിരായാണ് അഞ്ജുമന് മിനാജ് ഇ റസൂലിന്റെ നിലപാടെന്നും ദഹ്ലവി അറിയിച്ചു.
സംസ്ഥാനത്ത് ചെയ്തു കൂട്ടിയ ദുര്ഭരണങ്ങളാണ് വിഘടനവാദികള്ക്ക് ഇപ്പോള് തിരിച്ചടിയായത്. ജനങ്ങളെ നല്ല രീതിയില് ഭരിക്കാനും, മികച്ച വിദ്യാഭ്യാസം കൊടുക്കാനും ഈ നേതാക്കളില് ആരും ഇതുവരെ തയ്യാറായിട്ടില്ല. കശ്മീരിലെ പ്രളയ ബാധിത പ്രദേശങ്ങളിലും താന് ഇത്തവണ സന്ദര്ശിച്ചിരുന്നു. പ്രളയ ദുരിതത്തെ വളരെ മികച്ച രീതിയിലാണ് സൈന്യവും മറ്റ് അധികാരികളും കൈകാര്യം ചെയ്തതെന്നാണ് ജനങ്ങള് അവകാശപ്പെടുന്നതെന്നും അദ്ദേഹം കൂട്ടിച്ചേര്ത്തു.
