വയനാട്: പ്രളയം ബാധിച്ച വയനാട് ജില്ലയിലേക്ക് തിരിഞ്ഞ് നോക്കാതെ സ്ഥലം എംപി രാഹുല് ഗാന്ധി. വയനാട് മേപ്പാടി പുത്തുമലയിലുണ്ടായ വന് ഉരുള്പൊട്ടലില് 40 ഓളം പേര് കാണാതായിട്ടും രാഹുല് ഗാന്ധിയും അദേഹത്തിന്റെ ഓഫീസും ഇതുവരെ പ്രതികരിച്ചിട്ടില്ല. വയനാട് പ്രളയത്തില് മുങ്ങിയിട്ടും എംപി സ്ഥലത്തില്ലാത്തതിനാല് രോഷാകുലരാണ് നാട്ടുകാര്.
പ്രളയം രൂക്ഷമായതോടെ സൈന്യം രക്ഷാപ്രവര്ത്തനത്തിനിറങ്ങിയിട്ടുണ്ട്. അറുപതംഗ സംഘമാണ് രക്ഷാപ്രവര്ത്തനത്തിന് ഇറങ്ങിയിരിക്കുന്നത്. അതിശക്തമായ മഴയാണ് ഇന്നലെ അര്ധരാത്രി മുതല് വയനാട്ടില് പെയ്യുന്നത്. കഴിഞ്ഞവര്ഷം ഉരുള്പൊട്ടലില് വന് നാശമുണ്ടായ മേല്മുറിയില് അതേ സ്ഥലത്ത് ഇന്നലെ 12.30ഓടെ വീണ്ടും ഉരുള്പൊട്ടലുണ്ടായി.
വയനാട് മേപ്പാടി പുത്തുമലയിലുണ്ടായ വന് ഉരുള്പൊട്ടലില് ഒരു എസ്റ്റേറ്റ് പാടി, മുസ്ലിം പള്ളി, ക്ഷേത്രം എന്നിവ പൂര്ണമായും മണ്ണിനടിയിലായി. രാത്രി വൈകിയും രക്ഷാപ്രവര്ത്തനം തുടരുകയാണ്. വൈകിട്ട് നാലോടെയാണ് എസ്റ്റേറ്റ് മേഖലയില് നാടിനെ നടുക്കിയ ദുരന്തമുണ്ടായത്. കനത്ത മഴയില് പൊടുന്നനെ വന് ശബ്ദത്തോടെ വലിയ മലമ്പ്രദേശമാകെ ഇടിഞ്ഞു താഴേക്കു പതിക്കുകയായിരുന്നു. ദുരന്തസമയത്ത് എസ്റ്റേറ്റ് പാടിയിലും ആരാധനാലയങ്ങളിലും ആളുകളുണ്ടായിരുന്നതായി ദൃക്സാക്ഷികള് പറയുന്നു. ശക്തമായ വെള്ളത്തില്പ്പെട്ട് ഒഴുകിയെത്തിയ മൂന്ന് പേരെ നാട്ടുകാരാണു രക്ഷപ്പെടുത്തിയത്. തകര്ന്ന കെട്ടിടത്തിനുള്ളില് എത്രപേര് കുടുങ്ങിയിട്ടുണ്ടെന്ന് കൃത്യമായ വിവരങ്ങള് ലഭ്യമല്ല. രക്ഷാപ്രവര്ത്തനം രാത്രിയിലും തുടരുകയാണ്.
