ന്യൂദല്ഹി: ജമ്മു കശ്മീരിന്റെ പ്രത്യേക പദവി എടുത്തു കളയുകയും രണ്ടായി വിഭജിക്കുകയും ചെയ്ത ബില്ലുകള് രാജ്യസഭ പാസാക്കി. ഇന്ന് രാവിലെ ആഭ്യന്തരമന്ത്രി അമിത് ഷാ അവതരിപ്പിച്ച ബില്ലുകളില് ഉച്ചഭക്ഷണത്തിനുള്ള ഇടവേള ഒഴിവാക്കി വൈകുന്നേരം വരെ മാരത്തണ് ചര്ച്ച നടത്തിയ ശേഷമാണ് രാജ്യസഭ പാസാക്കിയത്. ബില്ലിനെ അനുകൂലിച്ച് 125 പേര് വോട്ടുചെയ്തു. 61 പേര് എതിര്ത്തു വോട്ടു ചെയ്തു. ബില് പാസാക്കി രാജ്യസഭ വൈകിട്ട് പിരിഞ്ഞു. എന്സിപിയും തൃണമൂല് കോണ്ഗ്രസും വോട്ടെടുപ്പില് പങ്കെടുക്കാതെ വിട്ടു നിന്നപ്പോള് എന്ഡിഎ സഖ്യകക്ഷിയായ ജെഡിയു ബില്ലിനെതിരായി വോട്ട് ചെയ്തു.
ആഭ്യന്തരമന്ത്രി അമിത് ഷായുടെ മറുപടി പ്രസംഗത്തിന് ശേഷം ജമ്മു കശ്മീര് സാമ്പത്തിക സംവരണബില്ലാണ് സഭ ആദ്യം പാസാക്കിയത്. പിന്നീട് 370-ാം വകുപ്പ് റദ്ദാക്കി കൊണ്ടുള്ള ബില് പാസാക്കി. ഒടുവിലായാണ് ജമ്മു കശ്മീര് വിഭജന ബില്ലും പാസാക്കിയത്. കശ്മീരിലെ രക്തചൊരിച്ചില് ഒഴിവാക്കാന് വേണ്ടിയാണ് 370-ാം വകുപ്പ് എടുത്തു കളയുന്നതെന്ന് അഭ്യന്തരമന്ത്രി അമിത് ഷാ. ജമ്മു കശ്മീരിന്റെ വളര്ച്ചയ്ക്കല്ല ഭീകരതയുടെ വളര്ച്ചയ്ക്കായാണ് 370-ാം വകുപ്പ് ഉപയോഗപ്പെടുത്തിയത്. മേഖലയിലെ അഴിമതിയും ദാരിദ്രവും ഇതിലൂടെ വര്ധിക്കുകയാണ് ചെയ്തതെന്നും കശ്മീര് ബില്ലിലെ ചര്ച്ചകള്ക്ക് രാജ്യസഭയില് മറുപടി പറയവെ അമിത് ഷാ ചൂണ്ടിക്കാട്ടി. ബില്ല് വന്ഭൂരിപക്ഷത്തില് പാസായ ഉടന് പ്രധാനമന്ത്രി നേരിട്ടെത്തി അമിത് ഷായുടെ തോളില് തട്ടി അഭിനന്ദിച്ചു.
ബില് അവതരിപ്പിക്കുന്നതിനിടെ നെഹ്റു, മുഫ്തി, അബ്ദുള്ള കുടുംബങ്ങളെ പരോക്ഷമായി വിമര്ശിച്ച് കേന്ദ്ര ആഭ്യന്തരമന്ത്രി അമിത് ഷാ രംഗത്തെത്തി ആര്ട്ടിക്കിള് 370ന്റെ മറവില് ഈ മൂന്ന് കുടുംബങ്ങളിലുള്ളവര് കശ്മീരികളെ ചൂഷണം ചെയ്ത് കൊണ്ടിരുന്നു കശ്മീര് ബില്ലിലെ ചര്ച്ചകള്ക്ക് രാജ്യസഭയില് മറുപടി പറയവെയാണ് അമിത് ഷാ ഇക്കാര്യം വ്യക്തമാക്കിയത്.
ആര്ട്ടിക്കിള് 370 കൊണ്ട് കശ്മീരിന് പ്രത്യേകിച്ച് പ്രയോജനമുണ്ടായില്ലെന്നും അദ്ദേഹം പറഞ്ഞു. ആര്ട്ടിക്കിള് 370 മൂലം ജമ്മു കശ്മീരിലെ ജനങ്ങള് ദാരിദ്ര്യത്തിലാണ് കഴിയേണ്ടി വന്നത്. അവര്ക്ക് സംവരണത്തിന്റെ ആനുകൂല്യങ്ങള് ലഭിക്കാന് ഇത് തടസ്സമായെന്നും അദ്ദേഹം ചൂണ്ടിക്കാട്ടി. 370 ന്റെ കാര്യത്തില് സഭയിലെ എല്ലാ അംഗങ്ങളെയും കേള്ക്കാന് താന് തയ്യാറാണെന്നും എല്ലാ ചോദ്യങ്ങള്ക്കും ഉത്തരം നല്കുമെന്നും അമിത് ഷാ പറഞ്ഞു.ആയുഷ്മാന് ഭാരത് പദ്ധതി എല്ലാ സംസ്ഥാനങ്ങളിലും എന്ന പോലെ ജമ്മു കാശ്മീരിലുമുണ്ട്. പക്ഷേ അതു നടപ്പാക്കാന് ആശുപത്രികള് എവിടെയാണുള്ളത്. കശ്മീരിലെവിടെയാണ് നല്ല ഡോക്ടര്മാരും നഴ്സുമാരുമുള്ളത്. കശ്മീരില് ജീവിക്കാനും അവിടെ ജോലി ചെയ്യാനും പുറത്തുള്ള എത്ര ഡോക്ടര്മാര് തയ്യാറാവുമെന്ന് 35 എയെ പിന്തുണയ്ക്കുന്നവര് വ്യക്തമാക്കണം. ഇനിയാരെങ്കിലും വന്നാല് തന്നെ അയാള്ക്കവിടെയൊരു വീടോ സ്ഥലമോ വാങ്ങാനോ കല്ല്യാണം കഴിക്കാനോ പറ്റില്ല.
അയാള് എത്ര കാലം അവിടെ ജീവിച്ചാലും അവിടെ അവര്ക്ക് വോട്ടവകാശവും കിട്ടില്ല. അന്നത്തെ രാഷ്ട്രീയ സാഹചര്യത്തില് ഒരു താല്കാലിക സംവിധാനം എന്ന നിലയിലാണ് 370-ാം വകുപ്പ് കൊണ്ടു വന്നത് അത് എല്ലാവര്ക്കും അംഗീകരിക്കാന് സാധിക്കും. പക്ഷേ താല്കാലികമായി കൊണ്ടു വന്ന ഒരു നിയമം 70 വര്ഷം നിലനില്ക്കുന്നത് അംഗീകരിക്കാന് സാധിക്കില്ലെന്ന് അമിത് ഷാ പറഞ്ഞു.
