ന്യൂദല്ഹി : വിരാട് കോഹ്ലിയുടെ നായകത്വത്തില് ഇന്ത്യ മികച്ച ടെസ്റ്റ് ടീമായി മാറിക്കഴിഞ്ഞു. വിദേശമണ്ണില് മിന്നുന്ന പ്രകടനമാണ് കാഴ്ചവയ്ക്കുന്നത്. രണ്ട് ടെസ്റ്റുകളുള്ള പരമ്പരയില് വിന്ഡീസിന് ഇന്ത്യയെ തോല്പ്പിക്കാന് കഷ്ടപ്പെടേണ്ടിവരുമെന്ന് ബൗളിങ് ഇതിഹാസമായ ഇയാന് ബിഷപ്പ് പറഞ്ഞു.
അടുത്തിടെയായി ടെസ്റ്റ് ക്രിക്കറ്റില് ഇന്ത്യ മികവ് കാട്ടിവരുകയാണ്. നാട്ടില് അവര്ക്ക് മികച്ച റെക്കോഡുണ്ട്. ലോക ഒന്നാം നമ്പറായ ഇന്ത്യക്ക് സാഹചര്യങ്ങള്ക്ക് അനുസരിച്ച് പൊരുതാനാകും. കഴിഞ്ഞ വര്ഷം ഓസ്ട്രേലിയക്കെതിരെ പരമ്പര നേടി. ഇംഗ്ലണ്ടിനെതിരായ പരമ്പരയിലും ഭംഗിയായി കളിച്ചു. പരമ്പരയില് 1-4 ന് ഇന്ത്യ തോറ്റെങ്കിലും ഇരു ടീമുകളും ശക്തമായ പോരാട്ടമാണ് കാഴ്ചവച്ചത്.
രണ്ട് മത്സരങ്ങളുടെ ടെസ്റ്റ് പരമ്പര ഈ മാസം 22 ന് ആരംഭിക്കും. ജസ്പ്രീത് ബുംറ, ഇഷാന്ത് ശര്മ എന്നിവരടങ്ങുന്ന ഇന്ത്യന് പേസ് നിരയെ തകര്ത്ത് വമ്പന് സ്കോര് നേടിയാലേ വിന്ഡീസിന് വിജയം നേടാനാകൂ. റോസ്റ്റണ് ചേസ്, ഷായ് ഷോപ്പ് എന്നിവരുടെ പ്രകടനം നിര്ണായകമാകുമെന്നും ബിഷപ്പ് പറഞ്ഞു. ഇന്ത്യയുടെ വിന്ഡീസ് പര്യടനം ആഗസ്റ്റത് മൂന്നിന് ആരംഭിക്കും. മൂന്ന് ടി ട്വന്റിയും അത്രയും തന്നെ ഏകദിനങ്ങളും രണ്ട് ടെസ്റ്റുകളുമാണ് പരമ്പരയിലുള്ളത്.
