ഏതുജോലിക്കും അതിനാവശ്യമുള്ള വിദ്യാഭ്യാസയോഗ്യതയെ ആവശ്യമുള്ളൂ എന്നത് അംഗീകരിക്കേണ്ട വസ്തുതയാണ്. പ്യൂണ് തസ്തികയ്ക്ക് ഡിഗ്രിയും അതിലും ഉയര്ന്ന യോഗ്യതയും ഉള്ളവര് അപേക്ഷിക്കുകയും അവരെ നിയമിക്കുകയും ചെയ്യുന്നത്് ശരിയല്ല. ഇവര് ജോലിക്കാവശ്യമുള്ള യോഗ്യതയുള്ളവരുടെ അവസരം ഇല്ലാതാക്കുന്നു. അമിതയോഗ്യതയെന്ന മദ്രാസ് ഹൈക്കോടതിവിധി ശ്ലാഘനീയം എന്നുവേണം പറയാന്. സിഎംആര്എല്, ടിഎന്പിഎസ്സി എന്നീ സ്ഥാപനങ്ങളിലേക്ക് ഉയര്ന്ന യോഗ്യതയുള്ള രണ്ടുപേരുടെ അപേക്ഷ തള്ളിയ മദ്രാസ് ഹൈക്കോടതിവിധി മറ്റു സ്ഥാപനങ്ങളിലും സര്ക്കാര് സര്വീസുകളിലും നടപ്പില് വരുത്തേണ്ടകാലം അതിക്രമിച്ചു. ബാങ്കുകളില് ബിടെക് ബിരുദധാരികളെ എന്തിനാണ് ഓഫീസര്, ക്ലര്ക്ക് തസ്തികയിലേക്ക് നിയമിക്കുന്നത്?
-ഒപിഎസ് മേനോന്, ചിറ്റൂര്
പാര്ട്ടിയും പിരിവും
ആലത്തൂര് എംപി രമ്യ ഹരിദാസിന് കാറുവേണം. അതിന് അവരുടെ കൈയില് പണമില്ല. അപ്പോള് അത് വാങ്ങണം, ആരുവാങ്ങും? പാര്ട്ടി വാങ്ങും. പാര്ട്ടിയെന്നുപറഞ്ഞാല് കോണ്ഗ്രസ്, കോണ്ഗ്രസ് എന്നു പറഞ്ഞാല് പൊതുജനം. അവര് കൂപ്പണടിച്ചു. ഇനി നാട്ടുകാരുടെ കൈയില്നിന്നും പിരിക്കും. പിരിക്കട്ടെ, ഇപ്പോള് ഇവിടെ ഏറ്റവും വലിയ ആവശ്യം അതാണല്ലോ?
ഒരു എംപിയെന്ന നിലയില് അവര്ക്കുതന്നെ രണ്ടുലക്ഷത്തോളം ശമ്പളം ഉണ്ട്, പിന്നെ വിവിധ കമ്മിറ്റികളില്നിന്നും ലഭിക്കുന്ന തുക വേറെ. പിരിവ് പതിനാലു ലക്ഷത്തില് നിര്ത്താന് പറ്റുമോ. ഇല്ല, പിരിവിനും ചെലവില്ലേ അപ്പോള് ആലത്തൂരു മാത്രംപോരാ കേരളം മൊത്തം പിരിക്കട്ടെ. വട്ടമടയിലെ ശതമാനക്കണക്കില് അഭിമന്യുവിന് കൊടുത്ത അത്രയും തുക ഇവര്ക്കും കൊടുക്കുമായിരിക്കും. ഇനി ഈ പതിനാലു ലക്ഷത്തിന്റെ കാറുവേണോ എന്ന് ചിന്തിക്കും രണ്ടുലക്ഷം മുതല് കാറു കിട്ടുമല്ലോ? അങ്ങനെ അവര്ക്ക് അവസാനം എന്തു കിട്ടുമോ ആവോ?
വേണുകുമാര്, പ്ലാതാനം
