ജക്കാര്ത്ത: ഇന്ത്യന് ബാഡ്മിന്റണിലെ സൂപ്പര് താരം പി.വി. സിന്ധു ഇന്തോനേഷ്യന് ബാഡ്മിന്റണ് ചാമ്പ്യന്ഷിപ്പിന്റെ ഫൈനലില് കടന്നു. സെമിയില് ചൈനയുടെ ലോക മൂന്നാം നമ്പര് താരം ചെന് യൂഫിയെ നേരിട്ടുള്ള ഗെയിമുകള്ക്ക് തോല്പ്പിച്ചാണ് സിന്ധു ഫൈനലില് കടന്നത്. സ്കോര് 21-19, 21-10. ലോക റാങ്കിങ്ങില് നിലവില് അഞ്ചാം റാങ്കുകാരിയാണ് സിന്ധു.
46 മിനിറ്റ് മാത്രം നീണ്ട പോരാട്ടത്തിനൊടുവിലായിരുന്നു സിന്ധുവിന്റെ വിജയം. ആദ്യ ഗെയിമില് ചൈനീസ് താരത്തിന്റെ കടുത്ത പ്രതിരോധത്തെ അതിജീവിക്കേണ്ടി വന്നു സിന്ധുവിന്. ഒരു ഘട്ടത്തില് 3-7ന് മുന്നിലായിരുന്നു ചെന്. അവസാനങ്ങളില് 18-18ന് ഒപ്പമെത്തിയ സിന്ധു പിന്നാലെ ഗെയിം സ്വന്തമാക്കി.
രണ്ടാം ഗെയിമില് ആധികാരികമായിരുന്നു സിന്ധുവിന്റെ പ്രകടനം. 15-8ന് മുന്നിലെത്തിയ സിന്ധു പിന്നീട് രണ്ട് പോയിന്റ് കൂടി വിട്ടുനല്കി ഗെയിം സ്വന്തമാക്കി. ൈഫനലില് ലോക നാലാം നമ്പര് ജപ്പാന്റെ അകാനെ യമഗുച്ചിയാണ് ഫൈനലില് സിന്ധുവിന്റെ എതിരാളി.
