ബാഴ്സലോണ: അത്ലറ്റികോ മാഡ്രിഡിന്റെ സൂപ്പര്താരം അന്റോണിയോ ഗ്രിസ്മാന് ബാഴ്സയില്. ഏകദേശം 926 കോടിരൂപ മുടക്കിയാണ് ഗ്രിസ്മാനെ ബാഴ്സ സ്വന്തമാക്കിയിരിക്കുന്നത്. ക്ലബ് ഫുട്ബോള് ചരിത്രത്തിലെ ഏറ്റവും ഉയര്ന്ന അഞ്ചാമത്തെ ട്രാന്സ്ഫര് തുകയാണ് സൂപ്പര്താരത്തിനായി ബാഴ്സ ചെലവാക്കിയത്. ഇതോടെ ഏറെ നാളുകളായി നിലനിന്ന ട്രാന്സ്ഫര് അഭ്യൂഹങ്ങള്ക്കാണ് വിരാമമായത്. അഞ്ച് വര്ഷത്തെ കരാറാണ് ഗ്രിസ്മാനുമായി ബാഴ്സ ഒപ്പുവച്ചത്.
ഗ്രിസ്മാന്റെ വരവോടെ ബാഴ്സയുടെ മുന്നേറ്റ നിര കൂടുതല് കരുത്തുറ്റതാകും. നിലവില് ലയണല് മെസ്സി, സുവാരസ് എന്നീ സൂപ്പര് താരങ്ങള് ബാഴ്സ നിരയിലുണ്ട്. അവര്ക്കൊപ്പം ഗ്രിസ്മാനും കൂടി ചേരുന്നതോടെ ലോക ഫുട്ബോളില് പകരം വെക്കാനില്ലാത്ത അറ്റാക്കിങ് നിരയായി മാറും ബാഴ്സയുടേത്.
അത്ലറ്റിക്കോ മാഡ്രിഡ് വിടുമെന്ന് നേരത്തെ തന്നെ അറിയിച്ച ഗ്രിസ്മാന് ട്രാന്സ്ഫര് വേഗത്തിലാക്കാന് വേണ്ടി അത്ലറ്റിക്കോ മാഡ്രിഡിന്റെ പ്രീ സീസണ് ക്യാമ്പില് നിന്ന് മാറി നിന്നിരുന്നു.
2014 മുതല് 2019 വരെ അത്ലറ്റികോയുടെ കുന്തമുനയായിരുന്നു ഈ ഫ്രഞ്ച് സ്ട്രൈക്കര്. കഴിഞ്ഞ സീസണില് തന്നെ ഗ്രിസ്മാന് ബാഴ്സലോണയില് എത്തുമെന്ന് കരുതിയിരുന്നെങ്കിലും അത്ലറ്റിക്കോ മാഡ്രിഡ് പ്രതിസന്ധിയില് ആകുന്നതിനാല് ക്ലബില് തന്നെ ഗ്രിസ്മാന് തുടരുകയായിരുന്നു. അന്ന് ബാഴ്സലോണയുടെ ഓഫര് ഗ്രിസ്മാന് നിരസിച്ചതില് ഇപ്പോഴും ബാഴ്സലോണ ആരാധകരില് ഒരു വിഭാഗത്തിന് അതൃപ്തിയണ്ട്. അത്ലറ്റിക്കോ മാഡ്രിഡിനായി 257 മത്സരങ്ങള് കളിച്ചിട്ടുള്ള ഗ്രീസ്മെന് 133 ഗോളുകള് നേടിയിട്ടുള്ള താരമാണ്. അത്ലറ്റിക്കോ മാഡ്രിഡിനൊപ്പം ഒരു യൂറോപ്പ ലീഗും, ഒരു യുവേഫ സൂപ്പര് കപ്പും സ്പാനിഷ് സൂപ്പര് കപ്പും ഗ്രീസ്മെന് നേടിയിട്ടുണ്ട്.
