തിരുവനന്തപുരം: ശ്രീകാര്യം പോലീസ് സ്റ്റേഷനില് ഡിവൈഎഫ്ഐ പ്രവര്ത്തകരും പൊലീസും തമ്മില് സംഘര്ഷം. ട്രാഫിക് നിയമ ലംഘനം നടത്തിയ ഡി.വൈ.എഫ്.ഐ നേതാവ് വിനീഷിനെ പൊലീസ് പിടികൂടിയതിനെ തുടര്ന്നാണ് പ്രവര്ത്തകര് പൊലീസ് സ്റ്റേഷന് മുന്നില് തടിച്ചു കൂടിയത്. സീബ്ര ലൈനില് വാഹനം നിര്ത്തിയ ഡിവൈഎഫ്ഐ നേതാവിനോട് വാഹനം പുറകോട്ട് എടുക്കാന് ആവശ്യപ്പെട്ട പൊലീസുകാരനോട് ഇയാള് തട്ടിക്കയറുകയായിരുന്നു. വാഹനം പുറകോട്ട് എടുക്കാനാവില്ലെന്ന് ഭീഷണിപ്പെടുത്തിയ ഇയാള് പൊലീസുകാരനെ കയ്യേറ്റം ചെയ്യാന് ശ്രമിച്ചു.
പൊലീസ് ഉദ്യോഗസ്ഥനെ അസഭ്യം പറഞ്ഞെന്നാരോപിച്ച് വിനീഷിനെ അറസ്റ്റ് ചെയ്ത് സ്റ്റേഷനിലേക്ക് കൊണ്ടുപോവുകയായിരുന്നു. എന്നാല് സംഭവമറിഞ്ഞ് കൂടുതല് പ്രവര്ത്തകര് രാത്രിയില് പൊലീസ് സ്റ്റേഷനിലേക്കെത്തി. തുടര്ന്ന് കസ്റ്റഡിയിലെടുത്ത വിനീഷിനെ പൊലീസ് മര്ദിച്ചെന്നാരോപിച്ച് ഡി.വൈ.എഫ്.ഐ പ്രവര്ത്തകര് പൊലീസ് സ്റ്റേഷന് വളയുകയുമായിരുന്നു. ഇയാളെ വിട്ടയച്ചാല് മാത്രമെ പിരിഞ്ഞ് പോകുകയുള്ളൂവെന്ന് പാര്ട്ടി പ്രവര്ത്തകര് നിലപാട് എടുത്തു. തുടര്ന്ന് പൊലീസുകാരനെ ആക്രമിച്ചത് കേസാക്കാതെ പെറ്റി കേസ് ചാര്ജ് ചെയ്ത ശേഷം വിനീഷിനെ സ്റ്റേഷന് ജാമ്യത്തില് വിട്ടയച്ചു. അസിസ്റ്റന്റ് കമ്മിഷണര് സ്ഥലത്തെത്തിയ ശേഷമാണ് വിനീഷിനെ വൈദ്യ പരിശോധനയ്ക്ക് വിധേയനാക്കാന് പാര്ട്ടി പ്രവര്ത്തകര് സമ്മതിച്ചത്. ഡിവൈഎഫ്ഐ കാരിയം യൂണിറ്റ് സെക്രട്ടറിയാണ് വിനീഷ്.
