ന്യൂദല്ഹി : രാജ്യത്തെ കീഴ്വഴക്കം മാറ്റി പട്ടില് പൊതിഞ്ഞ് ബജറ്റ് രേഖകള് പാര്ലമെന്റില് കൊണ്ടുവന്ന് കേന്ദ്ര ധനമന്ത്രി നിര്മ്മല സീതാരാമന്. സാധാരാണയായി ധനമന്ത്രിമാര് ബഡ്ജറ്റ് രേഖകള് തുകലിനാല് നിര്മ്മിച്ച ബ്രീഫ്കേസിലാണ് കൊണ്ട് വരാറുള്ളത്.
ഇതിനുമുമ്പ് ബജറ്റ് അവതരിപ്പിച്ച പീയുഷ് ഗോയല് വര ഇൗ രീതിയിലാണ് തുടര്ന്നതും. എന്നാല് തലമുറകളുടെ ഈ ആചാരം ധനമന്ത്രി ഒഴിവാക്കി. ധനമന്ത്രാലയത്തില് നിന്നും ബഡ്ജറ്റ് അവതരണത്തിന് മുന്നോടിയായി രാഷ്ട്രപതിയെ കാണാനായി അദ്ദേഹത്തിന്റെ ഔദ്യോഗിക വസതിയിലേക്ക് ചുവന്ന പട്ടില് പൊതിഞ്ഞു തന്നെയാണ് ബഡ്ജറ്റ് രേഖകള് നിര്മ്മല സീതാരാമന് കൊണ്ട് പോയത്.
എന്നാല് ഇത് വെറും തുണിയല്ല, അതിനുമുണ്ട് പ്രത്യേകതകള് ഏറെ രാജ്യത്തെ വ്യാപാരികള് പണ്ട് കാലം മുതല് ഉപയോഗിച്ചിരുന്ന കണക്കെഴുത്തു പുസ്കകമാണ്. ഇതിന് ഹിന്ദിയില് ‘ബഹി ഖാത’ എന്നാണ് പറയുക. ചില ട്രഡീഷണല് ട്രേഡേഴ്സ് കടകളില് നമ്മള് കാണാറുള്ള അതേ പുസ്തകം തന്നെ:
ഇതിലൂടെ ഒരു ബ്രിട്ടീഷ് രീതി ഉപേക്ഷിച്ച് രാജ്യത്തിന്െ തനത് കണക്കെഴുത്ത് രീതിയോടുള്ള ആദരസൂചകമായാണ് നിര്മലാ സീതാരാമന് ഈ നടപടി സ്വീകരിച്ചതെന്നാണ് ധനമന്ത്രാലയത്തിലെ ഉദ്യോഗസ്ഥര് പറയുന്നത്.
സ്യൂട്ട് കെയ്സില് ബജറ്റ് രേഖ കൊണ്ടുവരുന്ന ഇംഗ്ലീഷ് പതിവ് ഇത്തവണ നിര്മ്മല സീതാരാമന് മാറ്റിമറിച്ചു. പ്രധാനമന്ത്രിയുടെ അധ്യക്ഷതയില് കേന്ദ്ര മന്ത്രിസഭായോഗം ചേര്ന്നതിനു ശേഷം ധനമന്ത്രി ബജറ്റ് ലോക്സഭയില് അവതരിപ്പിക്കും.
