അമൃത്സര് : സിഖുകാരുടെ വിശുദ്ധ ഗ്രന്ഥത്തെ അപമാനിച്ചയാള് സഹതടവുകാരുടെ മര്ദ്ദനത്തില് കൊല്ലപ്പെട്ടു. 2015ല് സിഖുകാരുടെ വിശുദ്ധ ഗ്രന്ഥമായ ഗുരു ഗ്രന്ഥസാഹിബിനെ അപമാനിച്ച മൊഹിന്ദര് പാല് ബിട്ടുവാണ് കൊല്ലപ്പെട്ടത്. പട്യാലയിലെ ന്യൂ നാഭ ജയിലിനുള്ളില് വച്ച് രണ്ട് തടവുപുള്ളികളാണ് ബിട്ടുവിനെ കൊലപ്പെടുത്തിയത്.
കഴിഞ്ഞ ദിവസം ഗുര്സേവക് സിങ്, മനീന്ദര് സിങ് എന്നിവര് ചേര്ന്ന് കമ്പിവടി ഉപയോഗിച്ച് മൊഹീന്ദറിനെ മര്ദ്ദിച്ചിരുന്നു. മാരകമായി പരിക്കേറ്റ മൊഹീന്ദറിനെ ആശുപത്രിയിലെത്തിച്ചെങ്കിലും പിന്നീട് മരിച്ചു. സംഭവത്തെ തുടര്ന്ന് പഞ്ചാബില് സുരക്ഷ ശക്തമാക്കി.
സംസ്ഥാനത്ത് സംഘര്ഷ സാധ്യത കണക്കിലെടുത്തി ബിഎസ്എഫ്, ദ്രുതകര്മ സേന എന്നിവയുടെ 12 കമ്പനി സൈനികരെ വിന്യസിച്ചിട്ടുണ്ട്.
കൊല്ലപ്പെട്ട മൊഹിന്ദര് പാല് ബിട്ടു ദേരാ സച്ചാ സൗദ വിഭാഗത്തില്പ്പെട്ട ആളാണ്.
