ആഗ്ര : എപ്ലാസ്റ്റിക് അനീമിയ ബാധിച്ച പെണ്കുട്ടിക്ക് പ്രധാനമന്ത്രി നരേന്ദ്ര മോദിയുടെ കനിവില് ഇനി ചികിത്സ തേടാം. ആഗ്രയിലാണ് സംഭവം. രോഗം ബാധിച്ച ദളിത് പെണ്കുട്ടിയുടെ അച്ഛന് സുമന് സിങ് പ്രധാനമന്ത്രിക്ക് സഹായം അഭ്യര്ത്ഥിച്ച് കത്തെഴുതിയിരുന്നു. ഇത് പ്രധാനമന്ത്രിയുടെ ശ്രദ്ധയില് പെടുകയും അടിയന്തിരമായി ചികിത്സാ സഹായമായി 30 ലക്ഷം രൂപ അനുവദിക്കുകയയുമായിരുന്നു.
സ്വന്തമായി ഉണ്ടായിരുന്ന ഭൂമി വിറ്റ് പിതാവ് മകലെ ചികിത്സിച്ചിട്ടും പെണ്കുട്ടിയുടെ രാഗാവസ്ഥയില് യാതൊരു വിധത്തിലുള്ള മാറ്റവും ഉണ്ടായിരുന്നില്ല. വീടും പണയപ്പെടുത്തി. ഇതു വരെ ഏഴ് ലക്ഷത്തോളം രൂപ ചികിത്സയ്ക്കായി ചിലവഴിച്ചിട്ടുണ്ട്.
പെണ്കുട്ടിയുടെ സഹോദരനില് നിന്നും മജ്ജ മാറ്റി വെച്ചാല് ഈ രോഗത്തെ അതിജീവിക്കാനാവുമെന്ന് ജെയ്പൂര് ആശുപത്രി അധികൃതര് അറിയിച്ചിരുന്നു. ഈ ഓപ്പറേഷന് മാത്രം 10 ലക്ഷത്തോളം രൂപ ചിലവാകും സിങ്ങ് പറയുന്നു. മകളുടെ ഈ അവസ്ഥ കാണാന് സാധിക്കുന്നില്ലെന്നും മരിക്കണമെന്നാണ് താന് ആഗ്രഹിക്കുന്നതെന്നും അറിയിച്ചുകൊണ്ടാണ് സുമന് സിങ് പ്രധാനമന്ത്രിക്ക് കത്തെഴുതിയത്.
പ്രധാനമന്ത്രിയുടെ ദേശീയ ദുരിതാശ്വാസ ഫണ്ടില് നിന്നും പണം നല്കി കൊണ്ടാണ് പ്രധാനമന്ത്രി ഈ വിഷയത്തില് ഇടപെട്ടത്. മോദിയുടെ ഈ സഹായത്തില് തന്റെ മകളെ തിരിച്ചു കിട്ടുമെന്ന ശുബ പ്രതീക്ഷയിലാണ് ഈ പിതാവ് ഇപ്പോള്.
പുതിയ രക്ത കോശങ്ങളൊന്നും ശരീരത്തില് ഉല്പാദിപ്പിക്കാത്ത സാഹചര്യമാണ് എപ്ലാസ്റ്റിക് അനീമിയ ബാധിച്ചതിലൂടെ തന്റെ മകള്ക്ക് ഉണ്ടായിരിക്കുന്നത്. ഇതിലൂടെ അബുബാധയ്ക്കും മുറിഞ്ഞാല് രക്തം നില്ക്കാത്ത സാഹചര്യവും ആണ് ഉളളത്.
