പാരീസ്: കളിമണ് കോര്ട്ടിലെ രാജാവായ റാഫേല് നദാല് റോളങ് ഗാരോസില് ചരിത്രം കുറിച്ചു. കലാശപ്പോരാട്ടത്തില് ഡൊമിനിക് തീമിനെ വീഴ്ത്തി സ്പാനിഷ് താരമായ നദാല് കിരീടം സ്വന്തമാക്കി. സ്കോര് 6-3, 5-7, 6-1, 6-1.
നദാലിന്റെ പന്ത്രണ്ടാം ഫ്രഞ്ച് ഓപ്പണ് സിംഗിള്സ് കിരീടമാണിത്. ഇതാദ്യമായാണ് ഒരു താരം ഫ്രഞ്ച് ഓപ്പണില് പന്ത്രണ്ട്് തവണ കിരീടം നേടുന്നത്. നദാലിന്റെ പതിനെട്ടാം ഗ്രാന്ഡ് സ്ലാം കിരീടമാണിത്. രണ്ട് ഗ്രാന്ഡ് സ്ലാം കൂടി നേടിയാല് 20 ഗ്രാന്ഡ് സ്ലാമെന്ന റോജര് ഫെഡററുടെ എക്കാലത്തെയും മികച്ച റെക്കോഡിനൊപ്പം എത്താനാകും.
ഫ്രഞ്ച് ഓപ്പണില് 2005 മുതല് 2008 വരെയും 2010 മുതല് 2014 വരെയും 2017, 2018 വര്ഷങ്ങളിലും നദാല് കിരീടമണിഞ്ഞു. റോളങ് ഗാരോസില് 93 മത്സരങ്ങളില് വിജയം നേടി. തോറ്റത് രണ്ട് മത്സരങ്ങളില് മാത്രം.
പോയവര്ഷത്തെ ഫൈനലിന്റെ ആവര്ത്തനമാണ് ഇത്തവണയും റോളാങ് ഗാരോസില് അരങ്ങേറിയത്. ഓസ്ട്രിയന് താരമായ ഡൊമിനിക് തീമിന് പിടച്ചുനില്ക്കാനായില്ല. ആദ്യ സെറ്റ് നദാല് നേടി. പക്ഷെ രണ്ടാം സെറ്റില് തീം തിരിച്ചുവന്നു. എന്നാല് മൂന്നും നാലും സെറ്റുകളില് നദാല് അനായാസ വിജയത്തിലൂടെ കീരീടം സ്വന്തമാക്കി.
