കൊല്ക്കത്ത: തൃണമൂല് കോണ്ഗ്രസിന്റെ 40 എംഎല്എമാര് തെരഞ്ഞെടുപ്പ് ഫലപ്രഖ്യാപനത്തിന് ശേഷം ബിജെപിയിലേക്ക് എത്തുമെന്ന് പ്രധാനമന്ത്രി നരേന്ദ്രമോദി. പശ്ചിമബംഗാളിലെ സെറാംപൂരില് തെരഞ്ഞടുപ്പ് റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
‘ദീദീ, മെയ് 23-ന് ഫലം പുറത്തുവന്നാല് എല്ലായിടത്തും താമര വിരിയും. തെരഞ്ഞെടുപ്പ് കഴിഞ്ഞാലുടന് എല്ലാം പുറത്തു വരും. നിങ്ങളുടെ എംഎല്എമാര് നിങ്ങളെ വിട്ട് ഓടി രക്ഷപ്പെടും. ഇന്ന് പോലും, നിങ്ങളുടെ 40 എംഎല്എമാര് എന്നോടൊപ്പമാണ്’, മോദി പറഞ്ഞു.
മമത ബാനര്ജിയുടെ കാല്ച്ചുവട്ടിലെ രാഷ്ട്രീയമണ്ണ് ഒലിച്ചുപോവുകയാണ്. മമത തോല്വി ഭയന്നിരിക്കുന്നു. പ്രധാനമന്ത്രിയാകുമെന്ന് അവര് സ്വപ്നത്തില് പോലും കരുതേണ്ട. വിരലിലെണ്ണാവുന്ന സീറ്റുമായി ദീദിക്കു ദല്ഹിയിലേക്ക് എത്താനാകില്ല, ദല്ഹി വളരെ ദൂരെയാണ് അത് ദീദിക്കറിയാം. ദല്ഹിയെ മറയാക്കുന്ന മമതയുടെ യഥാര്ത്ഥ ലക്ഷ്യം തന്റെ ബന്ധുക്കളെ ബംഗാള് രാഷ്ട്രീയത്തില് സജീവമാക്കുക എന്നതാണെന്നും മോദി പറഞ്ഞു.
തൃണമൂലിന്റെ ഗുണ്ടകള് വോട്ടുചെയ്യുന്നതില് നിന്ന് ജനങ്ങളെ തടയുകയാണെന്ന് മോദി പറഞ്ഞു. ബിജെപി നേതാക്കളെ പരാജയ ഭീതി മൂലം അവര് ആക്രമിക്കുകയാണ്.
