ലപ്പുഴ: നിരവധിപേരുടെ ദാരുണ മരണത്തിനിടയാക്കിയ ശ്രീലങ്കന് ആക്രമണത്തില് മമ്മൂട്ടി മുതല് ഫഹദ് ഫാസില് വരെയുള്ളവര് പ്രതികരിക്കാത്തത് എന്തുകൊണ്ടെന്ന് ആലപ്പുഴയിലെ എന്ഡിഎ സ്ഥാനാര്ഥിയും മുന് വൈസ്ചാന്സലറുമായ ഡോ. കെ.എസ്. രാധാകൃഷ്ണന്. ശമനമില്ലാത്ത ഇസ്ലാം തീവ്രവാദത്തിനു അവസാനമുണ്ടാക്കേണ്ടത് ജനങ്ങളാണ്. അതിനായി ഇടത്-വലത് വ്യത്യാസമില്ലാതെ ജനങ്ങള് ഒന്നിച്ച് മുന്നിട്ടിറങ്ങണമെന്നും അദ്ദേഹം തന്റെ ഫേസ്ബുക്ക് പോസ്റ്റില് പറഞ്ഞു. ഫേസ്ബുക്ക് പോസ്റ്റിന്റെ പൂര്ണരൂപം:
ശമനമില്ലാത്ത ഇസ്ലാമിക തീവ്രവാദം നടത്തിക്കൊണ്ടിരിക്കുന്ന നരമേധത്തിന് അവസാനം കാണുവാന് പൊതുസമൂഹം മുന്നിട്ടിറങ്ങണം. ഇസ്ലാമിക മതതീവ്രവാദം ഓരോരോ പേരുകളില് ഒരേ കാര്യം ചെയ്തുകൊണ്ടിരിക്കുന്നു. ആരംഭകാലത്ത് അത് ലഷ്കറെ തൊയ്ബ അയിരുന്നു എങ്കില് ഇന്ന് അത് നാഷണല് തൗഹിദ് ജമാ അത്ത് ആയി മാറിയിരിക്കുന്നു.
ബിന്ലാദനും സഹ്റാന് ഹാഷിമും ഒരേ സ്വഭാവത്തിലുള്ള വിധ്വംസക പരിപാടികളാണ് നടത്തിക്കൊണ്ടിരിക്കുന്നത് എന്നതാണ് ശ്രദ്ധേയം. ആധുനിക കാലത്ത് ജനാധിപത്യവല്കൃതമായ മതവിശ്വാസങ്ങളെ തകര്ത്ത് സര്വാധിപത്യ മതസംവിധാനത്തിന്റെ കീഴില് ലോകത്തെ അമര്ത്താനാണ് ഇക്കൂട്ടര് ശ്രമിച്ചുകൊണ്ടിരിക്കുന്നത്.
ഇതിന്റെ ഏറ്റവും പുതിയ ഉദാഹരണമാണ് ശ്രീലങ്കയിലെ ക്രൈസ്തവ ദേവാലയത്തില് ലോകത്തിലെ നന്മ ആഗ്രഹിക്കുന്ന എല്ലാ ജനങ്ങളും പ്രത്യാശയുടെ മഹോത്സവമായ യേശുദേവന്റെ പുനരുത്ഥാന തിരുനാളിന് ഒരുങ്ങിക്കൊണ്ടിരിക്കെ ആ നരാധമന്മാര് ബോംബുവച്ച് നിരപരാധികളെ കൊന്നൊടുക്കിയത്.
മാപ്പര്ഹിക്കാത്ത ഈ കൊടുംക്രൂരതയോട് പ്രതികരിക്കുവാന് പോലും നമ്മുടെ സമൂഹം തയ്യാറാകാത്തത് എന്നില് അമ്പരപ്പുളവാക്കുന്നു. ഇടത്, വലത് ഭേദമില്ലാതെ മൊത്തം ജനങ്ങളും എഴുത്തുകാരും കലാ-സാംസ്കാരിക പ്രവര്ത്തകരും ഇതിനെ അപലപിക്കുവാന് തയ്യാറാകണം. നടന്മാരായ മമ്മൂട്ടി മുതല് ഫഹദ് ഫാസില് വരെയുള്ളവര്ക്ക് ഇക്കാര്യത്തില് എന്ത് പറയാനുണ്ടെന്നറിയാന് താല്പ്പര്യമുണ്ട്.
