ന്യൂദല്ഹി: ഇരുപതു വര്ഷത്തെ കോണ്ഗ്രസ് ബന്ധം അവസാനിപ്പിച്ച് ഒഡീഷയിലെ സിറ്റിങ് എംഎല്എ പ്രകാശ് ചന്ദ്ര ബെഹെര് ബിജെപിയില്. ഒഡീഷയിലെ സാലിപുര് എംഎല്എയായ ബെഹെര് കഴിഞ്ഞ ദിവസം കോണഗ്രസിന്റെ പ്രാഥമിക അംഗത്വം രാജിവെച്ചിരുന്നു. ന്യൂദല്ഹില് ബിജെപി ആസ്ഥാനത്ത് കേന്ദ്രമന്ത്രി ധര്മേന്ദ്ര പ്രഥാന്റെ സാന്നിധ്യത്തിലാണ് ബെഹെര് ബിജെപിയില് ചേര്ന്നത്.
പ്രധാനമന്ത്രി നരേന്ദ്ര മോദിയുടെ നേതൃത്വത്തെ പൂര്ണമായ വിശ്വാസമുള്ളതു കൊണ്ടാണ് ബിജെപിയില് ചേരുന്നതെന്ന് ബെഹെര് പറഞ്ഞു. പാക് അതിര്ത്തി കടന്ന് ഭീകരത്താവളങ്ങള് തകര്ത്തതു വരെയുള്ള മോദിയുടെ തീരുമാനങ്ങളെ ജനങ്ങള്, പ്രത്യേകിച്ച് ചെറുപ്പക്കാര് ആവേശത്തോടെ വിലയിരുത്തുന്നത് താന് ശ്രദ്ധിച്ചിട്ടുണ്ടെന്ന് ബെഹെര് പറഞ്ഞു.
കോണ്ഗ്രസില് ഇരുപതു വര്ഷം പ്രവര്ത്തിച്ചു. കഴിഞ്ഞ തവണ സ്വന്തം പ്രയത്നത്തില് എംഎല്എയായി. പാര്ട്ടി സംസ്ഥന ഘടകം അവഗണിക്കുകയായിരുന്നു. ഇക്കാര്യങ്ങള് കോണ്ഗ്രസ് പ്രസിഡന്റ് രാഹുലിനെ അറയിച്ചിട്ടുണ്ട്. കോണ്ഗ്രസിന്റെ സംഘടനാ തലത്തില് അര്ഹിക്കുന്ന പ്രാധാന്യം കിട്ടാത്തതില് ബെഹെര് മുമ്പു തന്നെ പ്രതിഷേധം അറിയിച്ചിരുന്നു. കുറച്ചു നാള് മുമ്പ് മണ്ഡലത്തില് നടത്തിയ പദയാത്രയില് അദ്ദേഹം കോണ്ഗ്രസ് പതാക ഉപയോഗിച്ചിരുന്നില്ല.
ബെഹെറയുടെ വരവ് സംസ്ഥാനത്ത് ബിജെപിക്കു കൂടുതല് കരുത്തു പകരുമെന്ന് ധര്മേന്ദ്ര പ്രഥാന് പറഞ്ഞു. ഒരു എംഎല്എ കൂടി രാജിവെച്ചതോടെ ഒഡീഷ നിയമസഭയില് കോണ്ഗ്രസ് അംഗങ്ങളുടെ എണ്ണം പതിനൊന്നായി. കഴിഞ്ഞ ദിവസം രണ്ട് എംഎല്എമാര് രാജിവെച്ചിരുന്നു. ഒരാള് ബിജെഡിയിലും മറ്റൊരാള് ബിഎസ്പിയും ചേര്ന്നു.
