തിരുവനന്തപുരം: മോദി സര്ക്കാരിനെ താഴെ ഇറക്കാന് രൂപീകരിച്ച വിശാലസഖ്യം കേരളത്തിലും നടപ്പാക്കാന് ഇരുമുന്നണികളും തയ്യാറാകണമെന്ന് ബിജെപി സംസ്ഥാന വക്താവ് അഡ്വ. ബി. ഗോപാലകൃഷ്ണന്. പ്രതിപക്ഷനേതാവ് രമേശ് ചെന്നിത്തലയും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും ബിജെപി ബന്ധം പരസ്പരം ആരോപിക്കുന്നതില് നിന്നും തന്നെ വ്യക്തമാണ് കേരളത്തില് ബിജെപിയെ മുന്നിര്ത്തിയുള്ള രാഷ്ട്രീയമാണ് നടക്കുന്നത്.
നരേന്ദ്ര മോദിയെ താഴെ ഇറക്കാന് അണിയറയില് ഒരുക്കം കൂട്ടുന്നത് ബലാത്സംഗം, മോഷണം, തട്ടിപ്പ് തുടങ്ങിയവ നടത്തുന്നവരാണ്. മോദി സത്യസന്ധതയുടെ പ്രതീകമാണ്. സത്യസന്ധതയെ പരാജയപ്പെടുത്താന് വ്യാജന്മാര് ഒരുമിച്ചു നില്ക്കുന്നതു പോലെയാണ് പ്രധാനമന്ത്രിക്കെതിരെയുള്ള കരുനീക്കമെന്നും അദ്ദേഹം പറഞ്ഞു.
റഫാല് മുന് നിര്ത്തി കോണ്ഗ്രസ് തെരഞ്ഞെടുപ്പിനെ നേരിടുകയാണെങ്കില് നേട്ടം ബിജെപിക്കായിരിക്കും. ജനം കോണ്ഗ്രസിനേകാള് സുപ്രീം കോടതിയെയാണ് വിശ്വസിക്കുന്നത്. സുപ്രീം കോടതി ഇഴകീറി പരിശോധിച്ച് റഫാല് വിഷയത്തില് അസ്വാഭാവികമായി ഒന്നും ഇല്ലെന്ന് വിധിച്ചതാണ്. തുടര്ന്നും രാഹുല് ഗാന്ധി മനോരോഗിയേപോലെ പുലമ്പുകയാണ്. കരാര് ലഭിക്കാത്ത ഇടനിലക്കാരായ ആയുദ്ധ കച്ചവടക്കാരാണ് ഈ വിവാദത്തിന് പിന്നിലെന്നും അദ്ദേഹം വ്യക്തമാക്കി.
കോണ്ഗ്രസ്-സിപിഎം നടത്തുന്ന രാഷ്ട്രീയ കള്ളക്കളി പുറത്തുകൊണ്ടു വരുന്നതിന് ബിജെപി പുതിയ പോര്മുഖം തുറക്കുകയാണ്. ഇരുമുന്നണികളും സയാമിസ് ഇരട്ടകളെ പോലെയാണ്. ഇവരുടെ പൊക്കിള്കൊടി ബന്ധം സംരക്ഷിക്കുന്നതിന് വേണ്ടിയാണ് വികസനപ്രവര്ത്തനങ്ങളുമായി മുന്നോട്ടുപോകുന്ന മോദി സര്ക്കാരിനെ താഴെ ഇറക്കാന് ഒരേ മനസ്സായി പ്രവര്ത്തിക്കുന്നതെന്നും അദ്ദേഹം പറഞ്ഞു.
