കൊച്ചി: ആഫ്രിക്കന് രാജ്യമായ സെനഗലില് അറസ്റ്റിലായതായി വിവരം ലഭിച്ച അധോലോക കുറ്റവാളി രവി പൂജാരിയുടെ അറസ്റ്റിന് സ്ഥിരീകരണം തേടി കേരളാ പോലീസ് ഇന്റര്പോളിന് കത്തയച്ചു. സിബിഐ മുഖേനെയാണ് കത്ത് നല്കിയത്.
ഏതു കേസിലാണ് അറസ്റ്റ്, ആരുടെ ആവശ്യപ്രകാരമാണ്, എന്നാണ് ഇന്ത്യയിലെത്തിക്കുക തുടങ്ങിയ വിവരങ്ങളാണ് പോലീസ് ചോദിച്ചിട്ടുള്ളത്. ഓസ്ട്രേലിയയില് നിന്നെന്നു പറഞ്ഞ് ലീനാ മരിയ പോളിനെ വിളിച്ച്ഭീഷണിപ്പെടുത്തിയ രവി പൂജാരിയെ കണ്ടെത്തണമെന്നാവശ്യപ്പെട്ട് നേരത്തെ കത്തു നല്കിയിരുന്നു.
നടി ലീന മരിയ പോളിന്റെ ഉടമസ്ഥതയിലുള്ള ബ്യൂട്ടി പാര്ലര് വെടിവയ്പ്പ് കേസില് പ്രതിയായ ഇയാളെ കൊച്ചിയിലെത്തിക്കാനുള്ള നീക്കങ്ങളാണ് പോലീസ് നടത്തുന്നത്. ഇയാള് പിടിയിലായതിനെക്കുറിച്ച് ഇതുവരെ ഔദ്യോഗിക സ്ഥിരീകരണം ലഭിച്ചിട്ടില്ല. ബെംഗളൂര് പോലീസ് നല്കിയ നോട്ടീസിന്റെ അടിസ്ഥാനത്തിലാണ് ഇയാള് പിടിയിലായതെന്നാണ് ഇപ്പോള് ലഭിക്കുന്ന വിവരം. നടി ലീന മരിയ പോളിന്റെ ഉടമസ്ഥതയിലുള്ള കൊച്ചിയിലെ ബ്യൂട്ടി പാര്ലറിന് നേര്ക്ക് വെടിയുതിര്ത്ത സംഭവത്തില് രവി പൂജാരിയെ മൂന്നാം പ്രതിയാക്കിയാണ് കേസെടുത്തിട്ടുള്ളത്.
രവി പൂജാരി ഭീഷണിപ്പെടുത്തിയെന്നും വന് തുക ആവശ്യപ്പെട്ടുവെന്നും ലീന പോലീസിന് മൊഴി നല്കിയിരുന്നു. രണ്ടംഗ സംഘമാണ് കൊച്ചി പനമ്പിള്ളി നഗറിലെ ബ്യൂട്ടി പാര്ലറിന് നേര്ക്ക് വെടിയുതിര്ത്ത് കടന്നുകളഞ്ഞത്. ഇവരെ ഇനിയും തിരിച്ചറിഞ്ഞിട്ടില്ല.
