തിരുവനന്തപുരം: ശബരിമലയില് മുമ്പ് തുടര്ന്നു വന്നിരുന്ന വിശ്വാസങ്ങള് തിരുത്താന് ഉദ്ദേശിക്കുന്നില്ലെന്ന് മുന് വിദേശകാര്യ സെക്രട്ടറിയും മലയാളിയുമായ നിരുപമ റാവു. യുവതീ പ്രവേശനം വേണ്ട എന്ന നിലപാടില് താന്നെയാണ് ഉറച്ചുനില്ക്കുന്നതെന്ന് അവര് പറഞ്ഞു.
മലപ്പുറത്തെ തറവാട്ടില് വരുമ്പോള് മുത്തശ്ശി പറഞ്ഞു തന്ന കഥകളില് നിന്നാണ് ശബരമിലയെക്കുറിച്ചുള്ള വിശ്വാസം രൂപപ്പെട്ടത്. ശബരിമലയില് ഇതുവരെ താന് പോയിട്ടില്ലെന്നും ഇനി, പോകാന് ഉദ്ദേശിക്കുന്നില്ല.
എന്നാല് ആര്ക്കൊക്കെ പോകാം, ആരെല്ലാം പോകേണ്ട എന്നത് സംബന്ധിച്ചുള്ള വിശ്വാസം തിരുത്താന് ഉദ്ദേശിക്കുന്നില്ല. കോടതി വിധിയെ പ്രായോഗികമായി സമീപിക്കണം. ഇന്ത്യപ്പോലെ നിരവധി വിശ്വാസ രീതികളുള്ള രാജ്യത്ത് സാമൂഹ്യ സ്ഥിരത ഉറപ്പുവരുത്തുന്ന സമീപനമൊരുക്കണമെന്നും നിരുപമ റാവു പറഞ്ഞു.
2006ല് ചൈനയിലെ നയതന്ത്രപ്രതിനിധിയായി നിരുപമ റാവു പ്രവര്ത്തിച്ചിട്ടുണ്ട്. ഇന്തോ ചൈന നയതന്ത്ര ബന്ധത്തിന്റെ പശ്ചാത്തലത്തില് പുസ്തകം എഴുതുകയാണ് അവരിപ്പോള്.
