സന്നിധാനം: കോടിക്കണക്കിന് അയ്യപ്പഭക്തരെയും വിശ്വാസികളെയും വഞ്ചിച്ച് പിണറായി സര്‍ക്കാര്‍ തീവ്ര ഇടത് ആക്ടിവിസ്റ്റുകളെ സന്നിധാനത്തേക്ക് ഒളിപ്പിച്ച് കടത്തി.
മുന്‍പ് മല കയറാന്‍ വന്ന്, ഭക്തരെ കï് ഭയന്നോടിയ കനകദുര്‍ഗ, ബിന്ദു എന്നിവരെ സര്‍ക്കാരും സിപിഎമ്മും ചേര്‍ന്ന് ഒളിവില്‍ താമസിപ്പിച്ച്, പുരുഷ വേഷത്തില്‍, മഫ്തി പോലീസിന്റെ സഹായത്തോടെ പുലര്‍ച്ചെ ഒന്നരയോടെ പോലീസ് ആംബുലന്‍സില്‍ കയറ്റി ചരല്‍മേട് -ചെളിക്കുഴിയില്‍ കൊïുവന്നു. പിന്നെ മുഖം മറച്ച് പതിനെട്ടാം പടി ഒഴിവാക്കി വടക്കേനടയിലെ സ്റ്റാഫ് ഗേറ്റിലൂടെ നടയ്‌ക്കു മുന്നില്‍ എത്തിക്കുകയായിരുന്നു. പുലര്‍ച്ചെ മൂന്നേമുക്കാലോടെ നടതുറന്നപ്പോഴായിരുന്നു ഇത്. മരക്കൂട്ടത്തു വച്ച് സംശയം തോന്നിയ ചില ഭക്തര്‍ ചോദ്യം ചെയ്തപ്പോള്‍ ട്രാന്‍സ്‌ജെന്‍ഡേഴ്‌സ് ആണെന്നായിരുന്നു മറുപടി. തിരിച്ചറിയല്‍ രേഖ പമ്പ പോലീസിന്റെ കൈയിലാണെന്നും അറിയിച്ചു.
സന്നിധാനത്തെ പോലീസുദ്യോഗസ്ഥരോടുപോലും ‘ഐജിയുടെ അതിഥികള്‍’ വരുന്നുïെന്നായിരുന്നു പറഞ്ഞിരുന്നത്. അയ്യപ്പനെ ദര്‍ശിക്കാന്‍ വ്രതമെടുത്ത് വന്ന ഭക്തരാണ് തങ്ങളെന്ന് പറഞ്ഞുനടന്ന, അരാജകവാദികള്‍ നടയ്‌ക്കു മുന്നില്‍ എത്തിയപ്പോള്‍ അയ്യപ്പനെ തൊഴുതതു പോലുമില്ല. ക്ഷണ നേരം നടയ്‌ക്കു മുന്നില്‍ നിര്‍ത്തിയശേഷം മഫ്തി പോലീസ് ഇരുവരെയും തിടുക്കത്തില്‍ പിന്നിലൂടെയിറക്കി മടക്കി അയച്ചു. വനിതാ മതില്‍ പൊളിഞ്ഞതിന്റെ നാണക്കേടും വിവാദങ്ങളും മറയ്‌ക്കാനാണ് മുഖ്യമന്ത്രിയും പാര്‍ട്ടിയും അങ്ങേയറ്റം ലജ്ജാവഹമായ കള്ളക്കളി നടത്തിയതെന്നാണ് സൂചന.
ആചാരലംഘനം നടന്നതറിഞ്ഞതോടെ വിവരം പന്തളം കൊട്ടാരം, തന്ത്രിയെ അറിയിക്കുകയും അദ്ദേഹം നടയടയ്‌ക്കുകയുമായിരുന്നു. തന്ത്രി ഒരു മണിക്കൂറോളം നട അടച്ചിട്ടു. ശുദ്ധികലശം നടത്തി ബിംബശുദ്ധി വരുത്തിയാണ് നട വീïും തുറന്നത്.
ആചാര ലംഘനം നടത്തി പിണറായി സര്‍ക്കാര്‍ പവിത്രമായ സന്നിധാനം കളങ്കപ്പെടുത്തിയത് അറിഞ്ഞതോടെ സംസ്ഥാനത്ത് ഭക്തരുടെ പ്രതിഷേധവും രോഷവും ദുഃഖവും അണപൊട്ടി. തിരുവനന്തപുരത്ത് സെക്രട്ടേറിയറ്റ് നടയില്‍ അടക്കം പ്രതിഷേധ സമരങ്ങള്‍ നടത്തി, മുഖ്യമന്ത്രിയുടെ കോലം കത്തിച്ചു. പലയിടങ്ങളിലും പ്രതിഷേധങ്ങള്‍ക്കു നേരെ സിപിഎമ്മുകാരും അക്രമം അഴിച്ചുവിട്ടു.
പാലക്കാട്ട് മന്ത്രി എ.കെ. ബാലനെയും ഗുരുവായൂരില്‍ മന്ത്രി കടകംപള്ളി സുരേന്ദ്രനെയും കരിങ്കൊടി കാണിച്ചു. ദേശീയപാതകള്‍ അടക്കം പല പാതകളും അയ്യപ്പഭക്തരും വിശ്വാസികളും ഉപരോധിച്ചു. ശബരിമലയെ കളങ്കപ്പെടുത്തിയ ഇടതു സര്‍ക്കാരിന്റെ നടപടിക്കെതിരെ ശരണം വിളിച്ചും അയ്യപ്പനാമം ജപിച്ചും അവര്‍ പ്രതിഷേധിച്ചു.
