തിരുവനന്തപുരം: ഇന്ത്യയില് കൂടുതല് നിക്ഷേപിക്കുമെന്ന് ജപ്പാന് അംബാസിഡര് കെഞ്ചി ഹിരമസ്തു. സേവന മേഖലകള്ക്കു പുറമെ ഉല്പാദന മേഖലയിലും നിക്ഷേപത്തിന് സാധ്യതയുണ്ട്്. കേരളം ഉള്പ്പെടെ പല സംസ്ഥാനങ്ങളും ജപ്പാന് നിക്ഷേപം ഇറക്കാവുന്ന സൗഹൃദ സ്ഥലങ്ങളാണെന്നും അദ്ദേഹം പത്രസമ്മേളനത്തില് പറഞ്ഞു.
ഇന്ത്യയുമായുള്ള സഹകരണത്തിന്ന് ഐ ടി പ്രധാന ഘടകമാണ്. കേരളത്തിലെ കാലാവസ്ഥയും ആളുകളുടെ മനോഭാവവും സമര്പ്പണവും ഐ ടി വികസനത്തിന് അനുയോജ്യമാണ്.
നിസ്സാന്റെ അന്താരാഷ്ട ഐ ടി ഹബ്ബ് തിരുവനന്തപുരത്ത് തുടങ്ങിയത് ഇതിന് വഴിയൊരുക്കും. ഇരുരാജ്യങ്ങളുടേയും സൗന്ദര്യവും സംസ്കാരവും പരസ്പരം അറിയാനും പഠിക്കാനും അവസരം ഉണ്ടാകണം. ഇരു രാജ്യങ്ങളുടേയും പ്രധാനമന്ത്രിമാര് തമ്മിലുള്ള സൗഹൃദവും സഹകരണവും ഇതിന് സഹായകമാകും, കെഞ്ചി ഹിരമസ്തു പറഞ്ഞു.
ഉല്പാദന മേഖലയില് യുവജനങ്ങള്ക്ക് തൊഴില് സാധ്യത ഒരുക്കുന്ന ജപ്പാന്- ഇന്ത്യ ഇന്സ്റ്റിറ്റ്യൂട്ട് ഫോര് മാനുഫാക്ചറിന്റെ പരിശീലന പരിപാടിയുടെ ഉദ്ഘാടനവും കെഞ്ചി ഹിരമസ്തു നിര്വഹിച്ചു.
ജപ്പാനിലേയും ഇന്ത്യയിലേയും പൊതു-സ്വകാര്യ സ്ഥാപനങ്ങളുടെ സഹകരണത്തോടെ യുവാക്കള്ക്ക് പഠനകാലത്തുതന്നെ തൊഴിലധിഷ്ഠിത പരിശീലനം നല്കുന്നതാണ് പദ്ധതി.
മെയ്ക്ക് ഇന് ഇന്ത്യ, സ്ക്കില് ഇന്ത്യ ക്യാംപെയ്നുകളുടെ ഭാഗം കൂടിയായ പദ്ധതി പ്രകാരം യുവാക്കള്ക്ക് അന്താരാഷ്ട്ര നിലവാരത്തിലുള്ള തൊഴില് പരിശീലനം നല്കുന്നതിനൊപ്പം സ്വയം പര്യാപ്തമാക്കാനുള്ള സാഹചര്യവും ഒരുക്കും.
ടെറുമോ പെന്പോള് കമ്പനി ആസ്ഥാനത്ത് നടന്ന ഉദ്ഘാടന ചടങ്ങില് കമ്പനി എംഡി ചന്ദ്രശേഖരന് പത്മകുമാര്, ഉന്നത വിദ്യാഭ്യാസ പ്രിന്സിപ്പല് സെക്രട്ടറി ഉഷ് ടൈറ്റസ് എന്നിവര് പങ്കെടുത്തു.
