കൂത്തുപറമ്പ്: മമ്പറം പിണറായിയിലെ ബിജെപി പ്രവര്ത്തകന് നിഷാദിന്റെ തിരോധാനവുമായി ബന്ധപ്പെട്ട് ക്രൈംബ്രാഞ്ച് അന്വേഷണം തുടരുന്നു. ഇരുപത്തിയഞ്ച് ലക്ഷം രൂപയ്ക്ക് ക്വട്ടേഷനെടുത്ത് നിഷാദിനെ കൊലപ്പെടുത്തിയെന്ന് സലീം എന്ഐഎയ്ക്ക് നല്കിയ മൊഴിയുടെ അടിസ്ഥാനത്തിലാണ് പരിശോധന നടത്തുന്നത്. പറമ്പായി പള്ളിക്ക് സമീപം പ്രതി സലീമിന്റെ ഭാര്യാഗൃഹത്തിലും സമീപത്തെ പഴയ മസ്ലീം തറവാടായ അറക്കല് വീട്ടിലുമാണ് ഇന്നലെ പ്രതിയെ എത്തിച്ച് തെളിവെടുപ്പ് നടത്തിയത്. ആള്ത്താമസമില്ലാത്ത വീട് പാതി തകര്ന്ന നിലയിലാണ്. ബംഗളൂരു സ്ഫോടനക്കേസില് പ്രതിയായ സലീം പത്ത് വര്ഷമായി ഒളിവില് കഴിഞ്ഞത് ഈ വീട്ടിലും പരിസരത്തുമാണ്. ഈ വീട്ടിന്റെ മുകളിലത്തെ നിലയിലാണ് സലീം താമസിച്ചിരുന്നത്. നിഷാദിനെ ഈ വീട്ടിന്റെ പരിസരത്തെത്തിച്ച് കൊലപ്പെടുത്തിയിരിക്കാമെന്ന് ആദ്യമേ സംശയമുയര്ന്നിരുന്നു. ഇന്നലെ ജെസിബി ഉപയോഗിച്ച് പരിശോധന നടത്തിയിരുന്നെങ്കിലും തെളിവുകളൊന്നും ലഭിച്ചില്ല. ഇന്നും പരിശോധന തുടരും.
നിഷാദ് തിരോധാനക്കേസ് തെളിവ് ലഭിക്കാതെ ക്രൈംബ്രാഞ്ച് തെളിവെടുപ്പ് തുടരുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.