ന്യൂദല്ഹി: പാക്കിസ്ഥാനോട് ചേര്ന്നു കിടക്കുന്ന ഗ്രാമങ്ങളില് ജനസംഖ്യാനുപാതത്തില് വലിയ വ്യത്യാസം വന്നുകൊണ്ടിരിക്കുകയാണെന്ന് ബിഎസ്എഫ്. രാജസ്ഥാനിലെ ജെയ്സാല്മര് ജില്ലയിലെ ഇത്തരം സ്ഥലങ്ങളില് മുസ്ലിം യുവാക്കളില് ഭീകരവാദം പടരുന്നുണ്ടെന്നും ഇത് ആശങ്കാജനകമാണെന്നും ബിഎസ്എഫ് ചൂണ്ടിക്കാട്ടി.
ഇവിടുത്തെ മുസ്ലിങ്ങളില് അറബ് രീതികള് വ്യാപകമാകുകയാണെന്നും ഹിന്ദു, മുസ്ലിം മതവിഭാഗങ്ങള് തമ്മിലുള്ള ഇടപെടലുകള് പോലും കുറഞ്ഞുതുടങ്ങിയതായും ബിഎസ്എഫിന്റെ പഠനത്തില് വ്യക്തമാക്കി.
മുടിവളര്ത്തല്, വേഷം തുടങ്ങിയ കാര്യങ്ങളില് പരമ്പരാഗത രാജസ്ഥാന് സംസ്കാരം മാറി അറബി രീതിയിലേക്ക് നീങ്ങുകയാണ്. ഇവിടെ മുസ്ലിം വിഭാഗത്തിന്റെ വളര്ച്ച 22 മുതല് 25 ശതമാനം വരെയാണെന്നും ഇതര വിഭാഗങ്ങളുടേത് എട്ടു മുതല് പത്തു ശതമാനം വരെ മാത്രമാണെന്നും പഠനത്തില് പറയുന്നു. മുസ്ലിങ്ങളില് മതാഭിമുഖ്യം കൂടി, മോസ്ക്കുകളില് നമാസുകളില് പങ്കെടുക്കുന്നവരും വര്ധിച്ചു.
യുവാക്കളില് തീവ്രവാദം വളരുന്നു. എന്നാല് രാജ്യവിരുദ്ധതയ്ക്ക് തത്ക്കാലം തെളിവില്ല. പാക്കിസ്ഥാനോടുള്ള മൃദുസമീപനം പ്രത്യക്ഷത്തില് കാണാനില്ല. ഇരു സമുദായങ്ങളും തമ്മില് ഇതുവരെ പ്രശ്നങ്ങള് ഒന്നുമില്ല. പൊഖ്റാന്, മോഹന്ഗഡ് തുടങ്ങിയ സ്ഥലങ്ങളില് യുപിയിലെ ദേവബന്ദില് നിന്നുള്ള മൗലവിമാരുടെ സന്ദര്ശനം വളരെക്കൂടി. ഇവര് മതതീവ്രവാദപരമായ കാര്യങ്ങളാണ് പ്രചരിപ്പിക്കുന്നത്. മുസ്ലിങ്ങള് പ്രത്യേകമാണെന്ന തരത്തിലാണ് ഇവരുടെ പ്രചാരണം.
ജെയ്സാല്മറിലുള്ള ചിലര് നിരന്തരം പാക്കിസ്ഥാനിലേക്ക് പോകുന്നതും മടങ്ങിവരുന്നതും ശ്രദ്ധയില്പ്പെട്ടിട്ടുണ്ടെന്നും ഇവര് സമ്പന്നരായി ഇവിടുത്തെ രാഷ്ട്രീയ സ്വാധീനമുള്ളവരായി മാറിയിട്ടുെണ്ടന്നും റിപ്പോര്ട്ടിലുണ്ട്. ക്രമണേ ഇന്ത്യാ വിരുദ്ധ മനോഭാവം വളര്ന്നേക്കാം. മൗലവിമാരുടെ പ്രവര്ത്തനങ്ങള് നിയന്ത്രിക്കണമെന്നും റിപ്പോര്ട്ടില് പറയുന്നു.
ഹിന്ദു സംഘടനകളുടെ പ്രവര്ത്തനവും ഇപ്പോള് കൂടിയിട്ടുണ്ടെന്ന് റിപ്പോര്ട്ടില് പറയുന്നു.
