കണ്ണൂര്: അഴീക്കോട് ശ്രീ അക്ലിയത്ത് ശിവക്ഷേത്രത്തില് മാനദണ്ഡം മറികടന്ന് നിയമനം നടത്താന് നീക്കം. ക്ഷേത്രം ഓഫീസില് ക്ലാര്ക്ക് തസ്തികയില് നിയമനം നടത്തുന്നതിന് കഴിഞ്ഞ മാസം എക്സിക്യൂട്ടീവ് ഓഫീസര് അപേക്ഷ ക്ഷണിച്ചിരുന്നു.
ഇതില് ഉയര്ന്ന പ്രായപരിധി സൂചിപ്പിക്കാതെ പതിനെട്ട് വയസ്സ് പൂര്ത്തിയായവരില് നിന്ന് അപേക്ഷ ക്ഷണിക്കുന്നുവെന്ന് മാത്രമാണ് നോട്ടീസില് പറഞ്ഞിരിക്കുന്നത്. പതിനെട്ടിനും നാല്പത്തിയഞ്ച് വയസ്സിനും ഇടയില് പ്രായമുള്ളവരില് നിന്ന് അപേക്ഷ സ്വീകരിക്കുമെന്നാണ് സാധാരണ അപേക്ഷാ ഫോറത്തില് സൂചിപ്പിക്കേണ്ടത്. താല്ക്കാലിക നിയമനത്തില് ജോലി ചെയ്യുന്ന നാല്പത്തിയഞ്ച് വയസ്സ് കഴിഞ്ഞ സിപിഎം പ്രവര്ത്തകനെ ക്ലാര്ക്കായി നിയമിക്കുന്നതിന് വേണ്ടി ബോധപൂര്വ്വം പ്രായപരിധി സൂചിപ്പിക്കാത്തതാണെന്ന് പ്രദേശവാസികള് പറയുന്നു. ഒക്ടോബര് 15 ന് അപേക്ഷാ തീയ്യതി കഴിഞ്ഞിട്ടും ഇതേവരെ അഭിമുഖം നടത്തി നിയമനം നടത്താത്തതിലും ദുരൂഹതയുണ്ട്. ജോലിക്കായി അപേക്ഷ നല്കിയവരെ നിര്ബന്ധിച്ച് പിന്വലിപ്പിക്കാന് നീക്കം നടക്കുന്നതായും സൂചനയുണ്ട്.
