തിരുവനന്തപുരം: വാഹനാപകടത്തിൽ ഗുരുതരമായി പരിക്കേറ്റ് തിരുവനന്തപുരം സ്വകാര്യ ആശുപത്രിയിൽ ചികിത്സയിൽ കഴിയുന്ന വയലിനിസ്റ്റ് ബാലഭാസ്കറിന്റെ നില ഗുരുതരമായി തുടരുന്നു. ഇന്നലെ ബാലഭാസ്കർ ചെറുതായി കണ്ണ് തുറന്നിരുന്നു.
എന്നാൽ രക്തസമ്മർദ്ദത്തിലെ അസന്തുലിതാവസ്ഥ ചികിത്സയെ ചെറിയ തോതിൽ ബാധിക്കുന്നുണ്ട്. ശ്വാസകോശത്തിന്റെ പ്രവർത്തനം ഇടയ്ക്കിടെ തടസപ്പെടുന്നതിനാൽ വെന്റിലേറ്ററിൽ തന്നെ കഴിയുകയാണ് ബാലഭാസ്കർ. രക്തസമ്മർദ്ദവും ശ്വാസഗതിയും നേരെയാകുന്നതിന് വേണ്ടി കാത്തിരിക്കുകയാണെന്നും ഡോക്ടർമാർ അറിയിച്ചു.
ബാലഭാസ്കറിന്റെ ഭാര്യ ലക്ഷ്മിയുടെ ആരോഗ്യനിലയിൽ പുരോഗതിയുണ്ട്. ഇടയ്ക്ക് ബോധം വന്നപ്പോൾ ലക്ഷ്മി കുഞ്ഞിനെ അന്വേഷിച്ചിരുന്നതായി അടുത്ത വൃത്തങ്ങൾ അറിയിച്ചു. ലക്ഷ്മിയും ഡ്രൈവർ അർജുനും അപകടാവസ്ഥ തരണം ചെയ്തിട്ടുണ്ട്.
