കല്പ്പറ്റ: കനത്ത മഴയെ തുടര്ന്ന് വയനാട് ജില്ലയിലെ പല സ്ഥലങ്ങളിലുമുണ്ടായത് ഭൂമിയുടെ സ്വാഭാവികമാറ്റം മാത്രമാണെന്നും ഘടനമാറ്റം പോലുള്ള പ്രതിഭാസമല്ലെന്നും ഐക്യരാഷ്ട്രസഭ പരിസ്ഥിതി ദുരന്ത ലഘൂകരണ മേധാവി മുരളി തുമ്മാരുകുടി അഭിപ്രായപ്പെട്ടു.
ഭൂമികുലക്കം പോലുള്ള സാഹചര്യങ്ങളിലാണ് കെട്ടിടം താഴ്ന്നു പോകുന്നതടക്കമുള്ള പ്രതിഭാസങ്ങള് ഉണ്ടാകുന്നത്. പ്രാദേശികമായ ഭൂമിയുടെ മാറ്റങ്ങളാണ് കെട്ടിടം താഴ്ന്നു പോകാനിടയായതെന്നും അദ്ദേഹം പറഞ്ഞു. പാരിസ്ഥിതിക ആഘാതത്തെക്കുറിച്ച് ജില്ലയില് കൂടുതല് ശാസ്ത്രീയ പഠനം നടത്തണമെന്നും അദ്ദേഹം ഒരു പരിപാടിയില് ആവശ്യപ്പെട്ടു. വയനാട്ടിലടക്കം ഇനിയും പ്രകൃതി ദുരന്തങ്ങളുടെ നിരതന്നെയുണ്ടാവുമെന്നും അഭിമുഖീകരിക്കാന് പോകുന്നത് വെള്ളപ്പൊക്കവും വരള്ച്ചയും കാട്ടുതീയുമായിരിക്കുമെന്നും അദ്ദേഹം അഭിപ്രായപ്പെട്ടു.
