കൊച്ചി: ആശ്രിത നിയമനത്തിനുള്ള വ്യവസ്ഥകളില്‍ ഇളവു വരുത്തി അനര്‍ഹരായവര്‍ക്ക് സര്‍ക്കാര്‍ നിയമനം നല്‍കുന്നെന്ന ഹര്‍ജിയില്‍ ഹൈക്കോടതി സര്‍ക്കാരിന്റെ വിശദീകരണം തേടി. തുറവൂര്‍ സ്വദേശി നീരജ് നല്‍കിയ ഹര്‍ജിയിലാണ് നടപടി.
2012 മുതല്‍ 2017 വരെ സാമ്പത്തിക ചട്ടത്തിലെ വ്യവസ്ഥകള്‍ക്കു വിരുദ്ധമായി 13,962 സൂപ്പര്‍ ന്യൂമററി പോസ്റ്റുകളാണ് അനുവദിച്ചതെന്നും ഹര്‍ജി പറയുന്നു. ഈ ഇനത്തില്‍ 1500 കോടി രൂപ പൊതുഖജനാവില്‍ നിന്ന് ചെലവഴിച്ചെന്നും ഹര്‍ജിയില്‍ പറയുന്നു.
